ಮಾಸ್ ಲೀಡರ್ ಹಾಡುಗಳ ವೈಭವ
2017ರ ಬಹು ನಿರೀಕ್ಷಿತ, ಅದ್ದೂರಿ ವೆಚ್ಚದ, ಬಹು ತಾರಾಗಣದ ‘ಮಾಸ್ ಲೀಡರ್’ ಚಿತ್ರದ ಧ್ವನಿಸಾಂದ್ರಿಕೆಯು ಭಾನುವಾರ ಅಂಬೇಡ್ಕರ್ ಭವನದಲ್ಲಿ ತೆಲುಗು ಸೂಪರ್ ಸ್ಟಾರ್ ನಂದಮೂರಿ ಬಾಲಕೃಷ್ಣ ಲೋಕಾರ್ಪಣೆ ಮಾಡಿದರು. ಚಿತ್ರದಲ್ಲಿ ನಟಿಸಿದವರೆಲ್ಲರೂ ವೇದಿಕೆಗೆ ಬಂದು ಚುಟುಕು ಮಾತುಗಳನ್ನು ಹೇಳಿದರು. ಸರದಿಯಂತೆ ಯೋಗಿ ಮೂರು ಪದಗಳಲ್ಲಿ ಶಿವಣ್ಣರನ್ನು ಹೊಗಳಿದರು. ಕರೆ ಬಂದಾಗ ನಂಬಲಿಕ್ಕೆ ಆಗಲಿಲ್ಲ. ಮೊದಲ ದೃಶ್ಯ ಫೈಟ್. ಅದರಲ್ಲಿ ಶಿವಣ್ಣ ಒಂದು ಲುಕ್ ಕೊಟ್ಟಿದ್ದು ಸೂಪರ್ ಆಗಿತ್ತು. ನಾವೆಲ್ಲರೂ ಒಟ್ಟಿಗೆ ಊಟ ಮಾಡಿದ್ದೇವೆ. ಇಂತಹ ಅನುಭವ ಜೀವನದಲ್ಲಿ ಮರೆಯಲಾಗುವುದಿಲ್ಲ ಅಂತಾರೆ ಗುರುಜಗ್ಗೇಶ್. ಶಿವಣ್ಣರಲ್ಲಿ ತಾಳ್ಮೆ ಇದೆ. ಶೀರ್ಷಿಕೆ ಅವರಿಗೆ ಹೋಲುತ್ತದೆ ಎಂಬ ನುಡಿ ಶರ್ಮಿಳಾಮಾಂಡ್ರೆ ಅವರದು. ಎಲ್ಲಾ ತರಹದ ಹಾಡುಗಳಿಗೆ ಶಿವಣ್ಣ ನಟಿಸಿದ್ದಾರೆ. ಆದರೂ ಒಂದು ಹಾಡು ಬರೆಯುವುದು ಛಾಲೆಂಜಿಂಗ್ ಆಗಿತ್ತು. ಚಿತ್ರಕತೆ ಪ್ರಾರಂಭದಿಂದಲೂ ತಂಡದೊಂದಿಗೆ ಇದ್ದೇನೆ ಎಂದರು ಚೇತನ್‍ಕುಮಾರ್. ಕನ್ನಡ ಸಿನಿಮಾಗಳಿಗೆ ಪ್ರೋತ್ಸಾಹ ಕೊಡುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ. ನಮ್ಮಂತವರಿಗೆ ಶಿವಣ್ಣ ಪ್ರೋತ್ಸಾಹ ನೀಡುತ್ತಿರುವುದು ಅವರ ದೊಡ್ಡ ಗುಣ ಎಂಬ ಹೊಗಳಿಕೆ ಮಾತುಗಳು ಮೇಘನಾಗಾಂವ್ಕರ್‍ರಿಂದ ಕೇಳಿಬಂತು. ತಡವಾಗಿ ಆಗಮಿಸಿದ ಪುನೀತ್‍ರಾಜ್‍ಕುಮಾರ್ ಟೀಸರ್ ನೋಡಿ ಸೂಪರ್ ಅನಿಸಿತು. ಮೂವರು ಅಣ್ಣಂದಿರ ಮಾತುಗಳನ್ನು ಕೇಳಲು ಉತ್ಸುಕನಾಗಿದ್ದೇನೆ. ನಮ್ಮ ಇಡೀ ಕುಟುಂಬ ಬಾಲಣ್ಣನಿಗೆ ಪರಿಚಯವಿದೆ. ಅಭಿಮಾನಿಗಳಿಗೆ ಅಣ್ಣ ಮಾಸ್ ಲೀಡರ್, ಮನೆಯಲ್ಲಿ ನಮಗೆಲ್ಲರಿಗೂ ಸಿಂಪ್ಲಸಿಟಿ ಲೀಡರ್ ಅಂತ ನಿರೂಪಕಿ ಕಾವ್ಯಶಾ ಕೇಳಿದ ಗುಟ್ಟಿನ ಪ್ರಶ್ನೆಗೆ ಉತ್ತರಿಸಿದರು.


ಮುಂದೆ ಓದಿರಿ............................................
CLICK HERE FOR MORE CINEMA NEWS............!!!!!
For advertisements contact editor
K N Nagesh Kumar, Photo Journalist
Website Desined by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore


HOME
CINEMA NEWS
CINEMA STILLS
POSTERS
TRAILOR