HOME
CINEMA NEWS
GALLERY
TV NEWS
REVIEWS
CONTACT US
ಶ್ರೇಯಸ್ ತೇಜಸ್ ಆಗಲಿ - ಭಗವಾನ್
‘ಪಡ್ಡೆ ಹುಲಿ’ ಚಿತ್ರದ ಮೂಲಕ ನಾಯಕನಾಗಿ ಪಾದರ್ಪಣೆ ಮಾಡುತ್ತಿರುವ ಶ್ರೇಯಸ್ ಹುಟ್ಟಹಬ್ಬದ ಅಂಗವಾಗಿ ಪ್ರೊಮಶನಲ್ ಹಾಡನ್ನು ತೋರಿಸುವ ಕಾರ್ಯಕ್ರಮವನ್ನು ನಿರ್ಮಾಪಕ ರಮೇಶ್‍ರೆಡ್ಡಿ ಹಮ್ಮಿಕೊಂಡಿದ್ದರು. ಶಿಳ್ಳೆ ಹೊಡೆಯುವದರ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ರಕ್ಷಿತ್‍ಶೆಟ್ಟಿ ಚಿತ್ರರಂಗಕ್ಕೆ ಹೊಸ ನಾಯಕರುಗಳು ಬಂದಲ್ಲಿ ಸ್ಯಾಂಡಲ್‍ವುಡ್ ಬೆಳೆಯುತ್ತದೆ. ಇವರು ಹೀರೋಗಳ ಕ್ಲಬ್‍ಗೆ ಸೇರಲಿ ಎಂದರು. ಹಾಡನ್ನು ನೋಡಿದಾಗ ಗುಣಮಟ್ಟ ಚೆನ್ನಾಗಿ ಕಾಣಿಸುತ್ತದೆ. 65 ವರ್ಷದ ಅನುಭವ, ಯೋಗ್ಯತೆಯಲ್ಲಿ ಅಳೆದು ತೊಗಲಾಗಿದೆ. ನವಪೀಳಿಗೆ, ನವಪ್ರತಿಬೆಗಳು ಬರಲಿ. ತೇಜಸ್‍ಗೆ ಒಳ್ಳೆಯದಾಗಲೆಂದು ಹೇಳಿದ ಭಗವಾನ್ ಹೆಸರನ್ನು ತಪ್ಪಾಗಿ ಹೇಳಿದ್ದನ್ನು ಅರಿತು ಶ್ರೇಯಸ್ ಮುಂದೆ ತೇಜಸ್ ಆಗವಂತಾಗಲಿ ಎಂದು ಹರಸಿದರು.

ದೃಶ್ಯಗಳನ್ನು ನೋಡುವಾಗ ಕೆ.ಮಂಜು ಮಾಡಿದ್ದರೆ ಹೇಗಿರುತ್ತಿತ್ತು ಅಂತ ಯೋಚಿಸುತ್ತಿದ್ದೆ. ಶ್ರೇಯಸ್ ಆಕ್ಷನ್ ದೃಶ್ಯಗಳು ನೋಡಿದಾಗ 25 ಸಿನಿಮಾಗಳಲ್ಲಿ ನಟಿಸಿದಂತೆ ಭಾಸವಾಗುತ್ತದೆ. ನೀನು ಯಾವತ್ತು ನಿರ್ಮಾಪಕರ ನಟನಾಗಬೇಕು. ಭಗವಾನ್ ರಂತಹ ಹಿರಿಯರು ತೇಜಸ್ ಪದವನ್ನು ಬಳಸಿದ್ದಾರೆ. ಅದರಂತೆ ಆಗುತ್ತಿಯಾ ಎಂಬ ಭರವಸೆ ಇದೆ. ನಾವುಗಳು ಚಿತ್ರ ಮಾಡಲು ಕಾಯುತ್ತಿದ್ದೇವೆ, ಕಾಲ್ ಶೀಟ್ ನೀಡಬೇಕೆಂದು ಕೋರಿಕೊಂಡರು ವಾಣಿಜ್ಯ ಮಂಡಳಿ ಅಧ್ಯಕ್ಷ ಸಾರಾ.ಗೋವಿಂದು.

ಶ್ರೇಯಸ್‍ಗೆ ಇನ್ನು ಮುಂದೆ ಅವಕಾಶಗಳ ಚಿಂತೆ ಇಲ್ಲ. ಅಪ್ಪ ನಿರ್ಮಾಪಕನಾಗಿರುವುದರಿಂದ ಚಿತ್ರಗಳನ್ನು ಮಾಡುತ್ತಲೆ ಇರುತ್ತಾರೆ. ನಿಮ್ಮ ಫಿಸಿಕ್, ಸ್ಟಂಟ್, ಡ್ಯಾನ್ಸ್ ಅದ್ಬುತವಾಗಿದೆ. ಇದರ ಕ್ರಡಿಟ್ ನಿಮ್ಮ ತಾಯಿಗೆ ಸೇರಬೇಕು ಅಂತ ಇಂದ್ರಜಿತ್‍ಲಂಕೇಶ್ ಹೇಳಿದರು. ಮಂಜು ಕುಟುಂಬ ಮೊದಲನಿಂದಲೂ ಪರಿಚಿತರಾಗಿದ್ದಾರೆ. ಅವರು ದೊಡ್ಡ ಕಾವ್ಯ, ಹ್ಯಾಪಿ ಹಾರ್ಮೊನ್ಸರಂತೆ ಉತ್ತಮ ಚಿತ್ರಗಳನ್ನು ನೀಡಿದ್ದಾರೆ. ಗಂಡುಗಲಿ ಕೂಸು ಅಂಬೆಗಾಲು ಇರಬಹುದು. ಆದರೆ ಹುಲಿ ಚೆನ್ನಾಗಿ ಕಾಲು ಇಡ್ತಾ ಇದೆ ಎಂದು ಬಣ್ಣನೆ ಮಾಡಿದರು ಯೋಗರಾಜಭಟ್.

ನಿರ್ದೇಶಕ ಗುರುದೇಶ್‍ಪಾಂಡೆ ಮಾತನಾಡುತ್ತಾ ಪ್ರೋಮೋ ಶೂಟ್‍ಗೆ ಹಿಂದೂಮುಂದೆ ನೋಡದೆ ಹೇರಳವಾಗಿ ಖರ್ಚು ಮಾಡಿದ್ದಾರೆ. ರಾಜಾಹುಲಿಕ್ಕಿಂತ ಚೆನ್ನಾಗಿ ಮಾಡಲು ಪ್ರಯತ್ನ ಮಾಡುವುದಾಗಿ ಹೇಳಿಕೊಂಡರು. ಪ್ರಾರಂಭದಲ್ಲಿ ಇಂತಹ ದೃಶ್ಯಗಳಲ್ಲಿ ಅಭಿನಯಿಸಲು ಹಿಂಜರಿಕೆ ಇತ್ತು. ಕೋರಿಯೋಗ್ರಾಫರ್ ಧನು, ಕ್ಯಾಮರಮೆನ್ ಚಂದ್ರಶೇಖರ್ ಧೈರ್ಯ ತುಂಬಿದ್ದರಿಂದಲೇ ಅಭಿನಯಿಸಲು ಸುಲಭವಾಯಿತು ಅಂತಾರೆ ನಾಯಕ ಶ್ರೇಯಸ್.

ನಾಯಕ, ನಿರ್ಮಾಪಕರು ನಮ್ಮವರೆ ಆಗಿದ್ದರಿಂದ ಈ ಚಿತ್ರಕ್ಕೆ ಹೆಚ್ಚಿನ ಜವಬ್ದಾರಿ ಇದೆ. ಗೆಲ್ಲಲ್ಲೇ ಬೇಕೆಂಬ ಧ್ಯೇಯದಿಂದ ಕತೆ,ಚಿತ್ರಕತೆ ಮೇಲೆ ಗಮನ ಹರಿಸಲಾಗಿದ್ದು, ನಿರ್ಮಾಪಕರಿಗೆ ಹಾಕಿದ ಹಣ ವಾಪಸ್ಸು ಬರಬೇಕು. 42 ಚಿತ್ರಗಳನ್ನು ನಿರ್ಮಾಣ ಮಾಡಿರುವ ನನಗೆ ಅದರ ಕಷ್ಟ ಏನೆಂದು ತಿಳಿದಿದೆ. ಮೇಕಿಂಗ್ ನೋಡಿ ಟಾಲಿವುಡ್, ಕಾಲಿವುಡ್‍ನವರು ಮಗನನ್ನು ನಮಗೆ ಕೊಡಿ ಅಂತ ಕೋರಿಕೊಂಡರು. ದುಡ್ಡು ಮಾಡುವ ಆಸೆ ಇಲ್ಲ. ಕನ್ನಡದಿಂದಲೇ ಆತ ಲಾಂಚ್ ಆಗಬೇಕೆಂಬ ಉದ್ದೇಶ ಇತ್ತು. ನಿರ್ಮಾಪಕರು ಹೆದರುವುದು ಬೇಡ. ಬಂಡವಾಳ ವಾಪಸ್ಸು ಬರುವಂತೆ ಮಾಡುವ ಹೊಣೆ ನನ್ನದಾಗಿದೆ ಎಂದು ಕೆ.ಮಂಜು ಮಾತನಾಡಿದರು. ನಾಯಕಿಯರಾದ ನಿಶ್ವಿಕಾ, ಮೋನಿಕಾ, ಮಂಜು ಕುಟುಂಬ, ಹಿತೈಷಿಗಳು, ನಿರ್ದೇಶಕರುಗಳಾದ ಎ.ಪಿ.ಅರ್ಜುನ್, ಸಂತೋಷ್‍ಆನಂದರಾಮ್ , ಸಿನಿಪಂಡಿತರು ಸಮಾರಂಭದಲ್ಲಿ ಹಾಜರಿದ್ದರು.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
5/04/18





ಡಾ.ವಿಷ್ಣುವರ್ದನ್ ಹೇಳಿದ ಪ್ರಸಂಗಗಳು
ಚಂದನವನದ ಹೆಸರಾಂತ ನಿರ್ಮಾಪಕ ಗಂಡುಗಲಿ ಕೆ.ಮಂಜು ಆರಾಧಿಸುವುದು, ಇಷ್ಟಪಡುವುದು ಅಂದರೆ ಡಾ.ವಿಷ್ಣುವರ್ಧನ್ ಮಾತ್ರ. ಅಂತೆಯೇ ವಿಷ್ಣು ನಟನೆಯ ಹಲವು ಚಿತ್ರಗಳನ್ನು ನಿರ್ಮಾಣ ಮಾಡಿದ್ದರು. ಆ ಸಮಯದಲ್ಲಿ ಕಾಲೇಜು ದಿನಗಳಲ್ಲಿ ನಡೆದ ಘಟನೆಗಳನ್ನು ಇವರ ಹತ್ತಿರ ಹೇಳಿಕೊಂಡಿದ್ದರಂತೆ. ಅದನ್ನೆ ಈಗ ‘ಪಡ್ಡೆ ಹುಲಿ’ ಚಿತ್ರದಲ್ಲಿ ತೋರಿಸಲಾಗುತ್ತಿದೆ. ಚಿತ್ರದ ಮೊದಲ ಸುದ್ದಿಗೋಷ್ಟಿಯಲ್ಲಿ ತಂಡವು ಮಾದ್ಯಮದವರನ್ನು ಭೇಟಿ ಮಾಡಿತು. ನಿರ್ದೇಶಕ ಗುರುದೇಶಪಾಂಡೆ ಹೇಳುವಂತೆ ಕೆಲವು ನಿಮಿಷದ ಪ್ರೋಮೋಗೆ 40 ಲಕ್ಷ ಖರ್ಚು ಮಾಡಲಾಗಿದೆ. ದುರ್ಗದಿಂದ ಪ್ರಾರಂಭವಾಗುವ ಕತೆ ನಾಯಕ ಮದ್ಯಮ ವರ್ಗದಲ್ಲಿ ಬೆಳೆದು ಇಂಜಿನಿಯರಿಂಗ್ ಓದುವಾಗಲೇ ಸಂಗೀತ ಹುಚ್ಚು ಬೆಳಸಿಕೊಂಡು ಹೇಗೆ ಹಿಪ್‍ಹಾಪ್ ಆಗತ್ತಾನೆ ಎಂಬುದು ಒಂದು ಏಳೆಯ ಸಾರಾಂಶ. ಮಂಜು ಹೇಳಿದ ಕತೆಯನ್ನು ವಿಸ್ತಾರ ಮಾಡಲಾಗಿದೆ. ಪ್ರೋಮೋ ಭಾಗವನ್ನು ಶೇಕಡ 25ರಷ್ಟು ಬಳಸಲಾಗುವುದು. 89ರಲ್ಲಿ ಪ್ರೇಮಲೋಕ, 2018ರ ಪಡ್ಡೆಹುಲಿಯಾಗಲಿದೆ. ಈಗಿನ ವಿದ್ಯಾರ್ಥಿಗಳು ಹೇಗಿರುತ್ತಾರೆ ಎಂದು ತಿಳಿಯಲು ಕಾಲೇಜುಗಳಿಗೆ ಭೇಟಿ ನೀಡಿ ಮಾಹಿತಿಗಳನ್ನು ಗುಡ್ಡೆಹಾಕಿ ಚಿತ್ರಕತೆ ಸಿದ್ದಪಡಿಸಲಾಗಿದೆ ಎಂದರು.

2012ರಲ್ಲಿ 90 ಕೆ.ಜಿ ತೂಕ ಇದ್ದಾಗ ಅಪ್ಪ ಕಡೆಗಾಣ ಸಿದ್ದು, ಪುನೀತ್‍ರಾಜ್‍ಕುಮಾರ್ ಡ್ಯಾನ್ಸ್, ಫೈಟ್ ಗಮನ ಸಳೆದು, ಮುಂದೆ ವೈಜಾಗ್, ಪಾಂಡಿಚೇರಿ ನಟನಾ ತರಭೇತಿ ಶಾಲೆಯಲ್ಲಿ ಅಭ್ಯಾಸ ಮಾಡಿದ್ದು, ಹೆಬ್ಬುಲಿ ಸೆಟ್‍ನಲ್ಲಿ ಸುದೀಪ್‍ರಿಂದ ಕಲಿತುಕೊಂಡಿದ್ದು ಹೀಗೆ ಎಲ್ಲವನ್ನು ಸವಿವರವಾಗಿ ಹೇಳಿಕೊಂಡರು ನಾಯಕನಾಗಿ ಪಾದಾರ್ಪಣೆ ಮಾಡುತ್ತಿರುವ ಮಂಜು ಸುಪುತ್ರ ಶ್ರೇಯಸ್. ಕಾಲೇಜು ಹುಡುಗಿಯಾಗಿ ಕಾಣ ಸಿಕೊಳ್ಳುತ್ತಿದ್ದೇನೆ ಅಂತಾರೆ ನಾಯಕಿ ನಿಶ್ವಿಕಾ.

42 ಚಿತ್ರಗಳನ್ನು ನಿರ್ಮಾಣ ಮಾಡಿರುವ ನನಗೆ ಯಾವುದೇ ನಿರ್ಮಾಪಕರಿಗೆ ಲಾಸ್ ಆಗಬಾರದೆಂಬ ಉದ್ದೇಶದಿಂದ ಮಗನನ್ನು ಹಾಕಿಕೊಂಡು ಸಿನಿಮಾ ಮಾಡುತ್ತೆನೆಂದು ಯಾರೇ ಬಂದರೂ ಒಪ್ಪಿಕೊಂಡಿರಲಿಲ್ಲ. ಅವನು ಸಿನಿಮಾಗೆ ಬೇಕಾದ ಎಲ್ಲಾ ಅರ್ಹತೆಗಳನ್ನು ಪಡೆದುಕೊಂಡು ಮುಂದೆ ನಿಂತಾಗ ತಮಿಳಿನ ಪಿಚ್ಚಿಕಾರನ್ ಮಾಡಲು ನಿರ್ಧರಿಸಲಾಯಿತು. ಮೊದಲ ಚಿತ್ರ ರಿಮೇಕ್ ಮಾಡುವುದಿಲ್ಲವೆಂದು ಹೇಳಿದ. ಗುರುಗಳು ಹೇಳಿದ ಪ್ರಸಂಗಗಳು ನೆನಪಿಗೆ ಬಂದು ಅದನ್ನೆ ಸಿನಿಮಾ ಮಾಡಬಹುದೆಂದು ಒಂದು ಏಳೆಯನ್ನು ನಿರ್ದೇಶಕರಿಗೆ ಹೇಳಿದಂತೆ ಚೆನ್ನಾಗಿ ಕತೆಯನ್ನು ಸಿದ್ದಪಡಿಸಿದ್ದಾರೆ. ಅಜನೀಶ್‍ಲೋಕನಾಥ್ ಆರು ಹಾಡುಗಳಿಗೆ ಸಂಗೀತ ಸಂಯೋಜಿಸುತ್ತಿದ್ದಾರೆ. ಸಿನಿಮಾವನ್ನು ಪ್ರೀತಿಸಬೇಕು, ಗೌರವಿಸಬೇಕು. ಯಾವುದೇ ಕಾರಣಕ್ಕೂ ನಿರ್ಮಾಪಕರನ್ನು ನೋಯಿಸುವಂತೆ ಕೆಲಸ ಮಾಡಬೇಡವೆಂದು ಹಿತಿನುಡಿಗಳನ್ನು ಹೇಳಿದ್ದೇನೆ. ವಿಷ್ಣುಜೀ ಮೂಲ ಹೆಸರು ಸಂಪತ್‍ಕುಮಾರ್ ಇರುವಂತೆ ಚಿತ್ರದಲ್ಲಿ ಅದೇ ಹೆಸರಿನೊಂದಿಗೆ ನಟಿಸುತ್ತಿದ್ದಾನೆ ಎಂದು ಹೇಳುತ್ತಾ ಹೋದರು ಕೆ.ಮಂಜು. ಕೆ.ಎಸ್.ಚಂದ್ರಶೇಖರ್ ಚಿತ್ರಕ್ಕೆ ಕಣ್ಣಾಗಿದ್ದರೆ, ರುಕೇಶ್-ಶ್ರೀಕಾಂತ್ ಮಾತುಗಳನ್ನು ಪೋಣ ಸುತ್ತಿದ್ದಾರೆ. ಭಾನುವಾರ ನಡೆಯಲಿರುವ ಮಹೂರ್ತ ಸಮಾರಂಭಕ್ಕೆ ತಂಡಕ್ಕೆ ಶುಭ ಹಾರೈಸಲು ಪುನೀತ್‍ರಾಜ್‍ಕುಮಾರ್, ಸುದೀಪ್ ಆಗಮಿಸಲಿದ್ದಾರೆ.
ಸಿನಿ ಸರ್ಕಲ್.ಇನ್ ನ್ಯೂಸ್
11/03/18








For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore