HOME
CINEMA NEWS
GALLERY
TV NEWS
REVIEWS
CONTACT US
ಆರು ಗಂಟೆಯಲ್ಲಿ ನಡೆಯುವ ಕಥೆ,ವ್ಯಥೆ
ಚಿತ್ರದ ಹೆಸರು ‘ನೈಟ್ ಔಟ್’. ಅದರಂತೆ ರಾತ್ರಿ ವೇಳೆ ಆರು ಘಂಟೆಯ ಅವದಿಯಲ್ಲಿ ನಡೆಯುವ ಗುಂಡಿನ ಪಾರ್ಟಿ, ಕುಚುಕು ಗೆಳಯರ ಚಲ್ಲಾಟ, ಮದ್ಯದಲ್ಲೊಂದು ಪ್ರೇಮ, ಅಲ್ಲೋಂದು ವಂಚನೆ, ಹುಡುಗಿಗಾಗಿ ಹೋರಾಟ. ಇವೆಲ್ಲವು ಒಂದು ರಾತ್ರಿ ಕತೆಯೊಳೆಗೆ ಬಂದು ಹೋಗುತ್ತದೆ. ಇಬ್ಬರು ಗೆಳೆಯರು ರಾತ್ರಿ ವೇಳೆಯಲ್ಲಿ ಆಟೋ ಹತ್ತಿಕೊಂಡು ಹೊರಡುವಲ್ಲಿಗೆ ಚಿತ್ರವು ತೆರೆದುಕೊಳ್ಳುತ್ತದೆ. ಚಾಲಕನಿಗೆ ಎಲ್ಲಿಗೆ ಹೋಗಬೇಕೆಂದು ತಿಳಿದಿರುವುದಿಲ್ಲ. ನೋಡುವವನಿಗೂ ಗೊತ್ತಿರುವುದಿಲ್ಲ. ಅದು ತಿಳಿಯುವ ಹೊತ್ತಿಗೆ ಒಂದು ಹಂತದ ಕತೆ ಮುಗಿದಿರುತ್ತದೆ. ಒಂದರ ಹಿಂದೊಂದು ಫ್ಲಾಶ್‍ಬ್ಯಾಕ್ ಬಂದು ಅದೆಲ್ಲಕ್ಕೂ ಸರಿಯಾದ ವಿವಿರಗಳನ್ನು ನೀಡಿರುವುದು ನಿರ್ದೇಶಕರ ಜಾಣ್ಮೆಯನ್ನು ಮೆಚ್ಚಬೇಕು. ಕನ್ನಡದಲ್ಲಿ ಈ ರೀತಿಯ ಕತೆಗಳು ಬಂದಿಲ್ಲವೆಂದು ಹೇಳುವುದು ಕಷ್ಟವಾಗುತ್ತದೆ. ಆದರೆ ಕೊನೆಯ ಹದಿನೈದು ನಿಮಿಷ ಬರುವ ಕ್ಲೈಮಾಕ್ಸ್ ಚಿತ್ರಕ್ಕೆ ದೊಡ್ಡ ತಿರುವು ಇದೆ. ಅದೇ ಸಿನಿಮಾದ ಜೀವಾಳವಾಗಿದೆ. ಮಾದಲರ್ಧ ತಾಳ್ಮೆಯನ್ನು ಪರೀಕ್ಷೆಗೆ ಒಳಪಡಿಸಿ, ನಂತರ ಕುತೂಹಲ ಬರುವ ಸನ್ನಿವೇಶಗಳು ಕೊನೆ ತನಕ ಇರುವಂತೆ ಮಾಡುತ್ತದೆ.

ನಾಯಕ ಭರತ್ ಗೆಳಯ, ಭಗ್ನಪ್ರೇಮಿಯಾಗಿ ಗಮನ ಸೆಳೆಯುತ್ತಾರೆ. ಫೈಟ್ ಚೆನ್ನಾಗಿ ಮಾಡಿದ್ದು, ಚೇಸಿಂಗ್‍ದಲ್ಲಿ ಓಡುವುದು ಮಾಸ್ ಹೀರೋನಂತೆ ಕಾಣಿಸುವುದಿಲ್ಲ. ಅಕ್ಷಯ್ ಸಿಕ್ಕ ಅವಕಾಶವನ್ನು ಚೆನ್ನಾಗಿ ನಿರ್ವಹಿಸಿದ್ದಾರೆ. ನಾಯಕಿ ಶೃತಿಗೋರಾಡಿಯಾ ಪರದೆ ಮೇಲೆ ಚೆಂದ ಕಾಣಿಸುತ್ತಾರೆ ಮೂವರೇ ಪಾತ್ರಧಾರಿಗಳು ಆಗಿರುವುದರಿಂದ, ಉಳಿದ ಪಾತ್ರಗಳು ಗೌಣವಾಗಿದೆ. ಕಡ್ಡಿಪುಡಿಚಂದ್ರು, ಆಶಾರಾಣಿ ಹಾಗೆ ಬಂದು ಹೋದರೂ ಪ್ರೇಕ್ಷಕರಿಗೆ ಸಣ್ಣ ನಗೆ ಚೆಲ್ಲಿಸಿ ಹೋಗುತ್ತಾರೆ. ನಟನಾಗಿದ್ದ ರಾಕೇಶ್‍ಅಡಿಗ ಅವರಿಗೆ ಜನರು ಯಾವ ಜಾನರ್ ಇಷ್ಟಡುತ್ತಾರೆಂದು ತಿಳಿದು, ಅದರಂತೆ ಕತೆ ಬರೆದು ಮೊದಲ ಬಾರಿ ನಿರ್ದೇಶನ ಮಾಡಿ ಸೈ ಅನಿಸಿಕೊಂಡಿದ್ದಾರೆ. ಹಿನ್ನಲೆ ಸಂಗೀತ ಪರವಾಗಿಲ್ಲ, ಒಂದು ಹಾಡನ್ನು ಕೇಳಿಸುವಂತೆ ಮಾಡಿರುವ ಸಮೀರ್‍ಕುಲಕರ್ಣೀ ಕೆಲಸ ಓಕೆ. ಅರುಣ್.ಕೆ.ಅಲೆಕ್ಸಾಂಡರ್ ಕ್ಯಾಮಾರದಲ್ಲಿ ಬೆಂಗಳೂರಿನ ಕತ್ತಲ ರಾತ್ರಿಯನ್ನು ಚೆನ್ನಾಗಿ ನೋಡಬಹುದು. ಆಟೋ ಪ್ರಯಾಣ ಮರೆತವರು ಇದನ್ನು ನೋಡಿದಲ್ಲಿ ಆಟೋದಲ್ಲಿ ಹೋದಂತೆ ಭಾಸವಾಗಿ ಖುಷಿ ಕೊಡುತ್ತದೆ.
ನಿರ್ಮಾಣ: ಲಕ್ಷೀನವೀನ್, ನವೀನ್‍ಕೃಷ್ಣ
ಸಿನಿ ಸರ್ಕಲ್.ಇನ್ ವಿಮರ್ಶೆ
***
13/04/19





ರಾತ್ರಿ ಪಯಣ, ಮೂರು ಪಾತ್ರಗಳು
ನಾಯಕ, ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಯುವ ನಟ ರಾಕೇಶ್‍ಅಡಿಗ ‘ಜೋಶ್’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡಿದ್ದರು. 13 ಚಿತ್ರಗಳಲ್ಲಿ ನಟಿಸಿದ ಅನುಭವದಿಂದ ‘ನೈಟ್ ಔಟ್’ ಸಿನಿಮಾದ ಮೂಲಕ ಪೂರ್ಣ ಪ್ರಮಾಣದಲ್ಲಿ ನಿರ್ದೇಶಕರಾಗಿ ಬಡ್ತಿ ಪಡೆದುಕೊಂಡಿದ್ದಾರೆ. ಅವರು ಹೇಳುವಂತೆ ನಟನಾಗುವ ಮುಂಚೆ ಶಾಲಾ,ಕಾಲೇಜು ದಿನಗಳಲ್ಲಿ ರಂಗಭೂಮಿ ಚಟುವಟಿಕೆಯಲ್ಲಿ ತೊಡಗಿಕೊಂಡಿದ್ದರಿಂದ ಅಂದೇ ನಿರ್ದೇಶನ ಮಾಡುವ ಬಯಕೆ ಇತ್ತು. ಅದು ಈಗ ಈಡೇರಿದೆಯಂತೆ.

ಚಿತ್ರದ ಕುರಿತು ಹೇಳುವುದಾದರೆ ಆರು ಗಂಟೆ ಕತೆಯಲ್ಲಿ ನಡೆಯಲಿದ್ದು, ಇಬ್ಬರು ಬಾಲ್ಯದ ಗೆಳೆಯರು ಆಟೋದಲ್ಲಿ ರಾತ್ರಿ ಹೊತ್ತು ಪ್ರಯಾಣ ಮಾಡುವಾಗ ಅವರು ಮನಸ್ಥಿತಿಗಳ ಬಗ್ಗೆ ಸಂಭಾಷಣೆಯಲ್ಲಿ ಎಲ್ಲವು ತೆರೆದುಕೊಂಡಾಗ ಫ್ಲಾಶ್‍ಬ್ಯಾಕ್‍ಗೆ ಹೋಗುತ್ತದೆ. ಅದರಲ್ಲಿ ಹುಡುಗಿಯೊಬ್ಬಳ ಪ್ರವೇಶವಾಗುತ್ತದೆ. ಯಾವ ಕಾರಣಕ್ಕೆ ಭೇಟಿಯಾದರು, ಏತಕ್ಕಾಗಿ ಪ್ರಯಾಣ ಮಾಡಿದರು, ಎಲ್ಲಿಗೆ ಹೋಗ್ತಾರೆ ಎಂಬುದನ್ನು ಕುತೂಹಲ ಮಾದರಿಯಲ್ಲಿ ತೋರಿಸುವ ಪ್ರಯತ್ನ ಮಾಡಿದ್ದಾರೆ. ಪ್ರೇಕ್ಷಕ ಮುಂದಿನ ದೃಶ್ಯ ಊಹೆ ಮಾಡದಂತೆ ಸನ್ನಿವೇಶಗಳು ಬರುವುದು ಪ್ಲಸ್ ಪಾಯಿಂಟ್ ಆಗಿದೆ.

ಆಟೋ ಚಾಲಕನಾಗಿ ಭರತ್ ನಾಯಕನಾಗಿ ಮೊದಲ ಅನುಭವ. ಸಣ್ಣ ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಅಕ್ಷಯ್ ಗೆಳೆಯನಾಗಿ ಮುಖ್ಯ ಪಾತ್ರ. ಹಳ್ಳಿಯಿಂದ ಬೆಂಗಳೂರಿಗೆ ಓದಲು ಬರುವ ಹುಡುಗಿಯಾಗಿ ಶೃತಿಗೊರಾಡಿಯಾ ನಾಯಕಿ. ಬೆಂಗಳೂರು, ಹೆಸರುಘಟ್ಟ ಮತ್ತು ಕನಕಪುರ ರಸ್ತೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ನಾಲ್ಕು ಹಾಡುಗಳಿಗೆ ಸಮೀರ್‍ಕುಲಕರ್ಣೀ ರಾಗ ಒದಗಿಸಿದ್ದಾರೆ. ಛಾಯಗ್ರಹಣ ಅರುಣ್.ಕೆ.ಅಲೆಕ್ಸಾಂಡರ್, ಸಂಕಲನ ರಿತ್ವಿಕ್, ನೃತ್ಯ ಭಾರ್ಗವ ನಿರ್ವಹಿಸಿದ್ದಾರೆ. ಅಮೇರಿಕಾ ನಿವಾಸಿ ಕನ್ನಡಿಗರಾದ ನವೀನ್‍ಕೃಷ್ಣ-ಲಕ್ಷೀನವೀನ್ ನಿರ್ದೇಶಕರ ನಂಬಿಕೆ ಮೇಲೆ ಹಣ ಸುರಿದಿದ್ದಾರೆ. ಚಿತ್ರವು ಇದೇ ಶುಕ್ರವಾರದಂದು ಸುಮಾರು 100 ಕೇಂದ್ರಗಳಲ್ಲಿ ರಾಜ್ಯದ್ಯಂತ ತೆರೆಕಾಣಲಿದೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
6/04/19









ಅವಕಾಶಗಳು ಅಡಿಗೆ ಊಟದಂತೆ ಬರುತ್ತದೆ – ಜಗ್ಗೇಶ್
ಮದುವೆ ಮನೆಯಲ್ಲಿ ಊಟವು ಕೊನೆಯಲ್ಲಿ ಕೂತಿದ್ದವರಿಗೂ ಎಲ್ಲವು ಸಿಗುತ್ತದೆ. ಹಾಗೆಯೇ ಚಿತ್ರರಂಗದಲ್ಲಿ ಅವಕಾಶಗಳು ಬರುತ್ತವೆ. ಅದಕ್ಕಾಗಿ ನಾವುಗಳು ತಾಳ್ಮೆಯಿಂದ ಕಾಯಬೇಕು. ‘ನೈಟ್ ಔಟ್’ ಚಿತ್ರದ ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಜಗ್ಗೇಶ್ ಹೇಳಲು ಕಾರಣವಾಗಿತ್ತು. ಯುವ ನಟ ರಾಕೇಶ್‍ಅಡಿಗ ಚೂಚ್ಚಲಬಾರಿ ನಿರ್ದೇಶನ ಮಾಡಿರುವ ಸಿನಿಮಾಕ್ಕೆ ಶುಭ ಹಾರೈಸಲು ಆಗಮಿಸಿದ್ದರು. ಚಿತ್ರದ ನಿರ್ಮಾಪಕರು ಪರಿಚಯವಾಗಿದ್ದರಿಂದ ಇಲ್ಲಿಗೆ ಬರಬೇಕಾಯಿತು. ಅಮೇರಿಕಾದಲ್ಲಿದ್ದರೂ ಕನ್ನಡ ಭಾಷೆಯ ಮೇಲೆ ವಿಶೇಷ ಅಭಿಮಾನ ಇಟ್ಟುಕೊಂಡಿದ್ದಾರೆ. ಅಲ್ಲಿಗೆ ಭೇಟಿ ನೀಡಿದಾಗ ತುಂಬು ಹೃದಯದಿಂದ ಸತ್ಕಾರ ಮಾಡುತ್ತಾರೆ. ಮೂವತ್ತೆಂಟು ವರ್ಷದ ಅನುಭವದಲ್ಲಿ ನಿಧಾನವಾಗಿ ಆಟ ಆಡುತ್ತಿರುವುದರಿಂದಲೇ ಈಗಲೂ ಚಾಲ್ತಿಯಲ್ಲಿದ್ದೇನೆ. ಪ್ರತಿಯೊಬ್ಬರದು ಲೆಕ್ಕಚಾರದಂತೆ ಇರುತ್ತದೆ. ಉದ್ಯಮದಲ್ಲಿ ಅಣುಕಿಸುವವರು ಇರುತ್ತಾರೆ. ಅಂತಹ ಜನರ ಬಗ್ಗೆ ಯೋಚನೆ ಮಾಡದೆ ನಮ್ಮ ಕೆಲಸವನ್ನು ಮಾಡುತ್ತಿರಬೇಕು. ಒಳ್ಳಯ ಅಂಶಗಳನ್ನು ಜೀವನದಲ್ಲಿ ತೆಗೆದುಕೊಂಡರೆ ಎಲ್ಲಾ ಕಡೆ ಗೆಲ್ಲಬಹುದು. ಕಷ್ಟ ಕಾಲದಲ್ಲಿ ಎಸ್.ಬಿ.ಬಾಬು ಅವರು ಸಹಾಯ ಮಾಡಿದ್ದನ್ನು ನೆನಪಿಸಿಕೊಂಡ ಜಗ್ಗೇಶ್ ನಿರ್ಮಾಪಕರಿಗೆ ಟೋಕನ್ ವಾಪಸ್ಸು ಬರಲೆಂದು ಮಾತಿಗೆ ವಿರಾಮ ಹಾಕಿದರು.

ಚಿತ್ರರಂಗದಲ್ಲಿ ಗಾಡ್‍ಫಾದರ್ ಎಸ್.ವಿ.ಬಾಬು, ಆಧ್ಯಾತ್ಮಕ ಗಾಡ್‍ಫಾದರ್ ಜಗ್ಗೇಶ್, ಈಗ ಹೊಸ ಗಾಡ್ ಫಾದರ್ ಅಂದರೆ ನಿರ್ಮಾಪಕರು. ನನ್ನೋಬ್ಬನಿಂದ ಸಿನಿಮಾ ಆಗಿಲ್ಲ. ಬುದ್ದಿವಂತರ ತಂಡ ಕಟ್ಟಿಕೊಂಡು ಚಿತ್ರ ಮಾಡಿದ್ದೇವೆ. ಸನ್ನಿವೇಶಗಳು ನೋಡುಗರ ಜೀವನದಲ್ಲಿ ಬಂದಂತೆ ಅನಿಸುತ್ತದೆ. ಅದರಂತೆ ದೃಶ್ಯಗಳು ರಿಲೇಟ್ ಆಗುತ್ತದೆ ಎಂದು ನಿರ್ದೇಶಕ ರಾಕೇಶ್‍ಅಡಿಗ ಹೇಳಿದರು.

ನಾಯಕ ಭರತ್, ಅಕ್ಷಯ್ ನಾಯಕಿ ಶೃತಿಗೊರಾಡಿಯಾ ಅವಕಾಶ ನೀಡಿದ್ದಕ್ಕೆ ಥ್ಯಾಂಕ್ಸ್ ಎಂದರು. ಕೊಡವ ಭಾಷೆಯಲ್ಲಿ ನಿರ್ಮಾಣ ಮಾಡಲಾಗಿತ್ತು. ಒಮ್ಮೆ ಜಗ್ಗೇಶ್ ತಮಿಳು, ತೆಲುಗು ಭಾಷೆಯ ಚಿತ್ರಗಳು ಇಲ್ಲಿ ಬರುತ್ತವೆಂದು ಹೇಳುತ್ತಿದ್ದರು. ಕನ್ನಡಿಗನಾಗಿ ನಾನೇಕೆ ಒಂದು ಚಿತ್ರ ಮಾಡಬಾರದೆಂದು ಯೋಚನೆ ಮಾಡಿದ್ದೆ ಇಲ್ಲಿಯವರೆಗೂ ಬಂದಿದೆ. ಮುಂದೆಯೂ ಒಳ್ಳೆ ಸಿನಿಮಾ ಕೊಡುವ ಬಯಕೆ ಇದೆ ಅಂತಾರೆ ನವೀನ್‍ಕೃಷ್ಣ.

ಸಮಾರಂಭದಲ್ಲಿ ಎಸ್.ವಿ.ಬಾಬು, ವಾಣಿಜ್ಯ ಮಂಡಳಿ ಪದಾದಿಕಾರಿ ಬಾ.ಮ.ಹರೀಶ್. ಲಹರಿವೇಲು, ಉಮೇಶ್‍ಬಣಕಾರ್, ಕೆ.ಕಲ್ಯಾಣ್, ಶಿವಮಣಿ ಮುಂತಾದವರು ಸಿಡಿ ಬಿಡುಗಡೆಗೆ ಸಾಕ್ಷಿಯಾಗಿದ್ದರು.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
19/01/19






ರಾತ್ರಿ ಪಯಣ, ಮೂರು ಪಾತ್ರಗಳು
ನಾಯಕ, ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಯುವ ನಟ ರಾಕೇಶ್‍ಅಡಿಗ ‘ಜೋಶ್’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡಿದ್ದರು. 13 ಚಿತ್ರಗಳಲ್ಲಿ ನಟಿಸಿದ ಅನುಭವದಿಂದ ‘ನೈಟ್ ಔಟ್’ ಸಿನಿಮಾದ ಮೂಲಕ ಪೂರ್ಣ ಪ್ರಮಾಣದಲ್ಲಿ ನಿರ್ದೇಶಕರಾಗಿ ಬಡ್ತಿ ಪಡೆದುಕೊಂಡಿದ್ದಾರೆ. ಅವರು ಹೇಳುವಂತೆ ನಟನಾಗುವ ಮುಂಚೆ ಶಾಲಾ,ಕಾಲೇಜು ದಿನಗಳಲ್ಲಿ ರಂಗಭೂಮಿ ಚಟುವಟಿಕೆಯಲ್ಲಿ ತೊಡಗಿಕೊಂಡಿದ್ದರಿಂದ ಅಂದೇ ನಿರ್ದೇಶನ ಮಾಡುವ ಬಯಕೆ ಇತ್ತು. ಅದು ಈಗ ಈಡೇರಿದೆಯಂತೆ.
ಚಿತ್ರದ ಕುರಿತು ಹೇಳುವುದಾದರೆ ಆರು ಗಂಟೆ ಕತೆಯಲ್ಲಿ ನಡೆಯಲಿದ್ದು, ಇಬ್ಬರು ಬಾಲ್ಯದ ಗೆಳೆಯರು ಆಟೋದಲ್ಲಿ ರಾತ್ರಿ ಹೊತ್ತು ಪ್ರಯಾಣ ಮಾಡುವಾಗ ಅವರು ಮನಸ್ಥಿತಿಗಳ ಬಗ್ಗೆ ಸಂಭಾಷಣೆಯಲ್ಲಿ ಎಲ್ಲವು ತೆರೆದುಕೊಂಡಾಗ ಫ್ಲಾಶ್‍ಬ್ಯಾಕ್‍ಗೆ ಹೋಗುತ್ತದೆ. ಅದರಲ್ಲಿ ಹುಡುಗಿಯೊಬ್ಬಳ ಪ್ರವೇಶವಾಗುತ್ತದೆ. ಯಾವ ಕಾರಣಕ್ಕೆ ಭೇಟಿಯಾದರು, ಏತಕ್ಕಾಗಿ ಪ್ರಯಾಣ ಮಾಡಿದರು, ಎಲ್ಲಿಗೆ ಹೋಗ್ತಾರೆ ಎಂಬುದನ್ನು ಕುತೂಹಲ ಮಾದರಿಯಲ್ಲಿ ತೋರಿಸುವ ಪ್ರಯತ್ನ ಮಾಡಿದ್ದಾರೆ. ಪ್ರೇಕ್ಷಕ ಮುಂದಿನ ದೃಶ್ಯ ಊಹೆ ಮಾಡದಂತೆ ಸನ್ನಿವೇಶಗಳು ಬರುವುದು ಪ್ಲಸ್ ಪಾಯಿಂಟ್ ಆಗಿದೆ.

ಆಟೋ ಚಾಲಕನಾಗಿ ಭರತ್ ನಾಯಕನಾಗಿ ಮೊದಲ ಅನುಭವ. ಸಣ್ಣ ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಅಕ್ಷಯ್ ಗೆಳೆಯನಾಗಿ ಮುಖ್ಯ ಪಾತ್ರ. ಹಳ್ಳಿಯಿಂದ ಬೆಂಗಳೂರಿಗೆ ಓದಲು ಬರುವ ಹುಡುಗಿಯಾಗಿ ಶೃತಿಗೊರಾಡಿಯಾ ನಾಯಕಿ. ಬೆಂಗಳೂರು, ಹೆಸರುಘಟ್ಟ ಮತ್ತು ಕನಕಪುರ ರಸ್ತೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ನಾಲ್ಕು ಹಾಡುಗಳಿಗೆ ಸಮೀರ್‍ಕುಲಕರ್ಣೀ ರಾಗ ಒದಗಿಸಿದ್ದಾರೆ. ಛಾಯಗ್ರಹಣ ಅರುಣ್.ಕೆ.ಅಲೆಕ್ಸಾಂಡರ್, ಸಂಕಲನ ರಿತ್ವಿಕ್, ನೃತ್ಯ ಭಾರ್ಗವ ನಿರ್ವಹಿಸಿದ್ದಾರೆ. ಅಮೇರಿಕಾ ನಿವಾಸಿ ಕನ್ನಡಿಗರಾದ ನವೀನ್‍ಕೃಷ್ಣ-ಲಕ್ಷೀನವೀನ್ ನಿರ್ದೇಶಕರ ನಂಬಿಕೆ ಮೇಲೆ ಹಣ ಸುರಿದಿದ್ದಾರೆ. ಸದ್ಯ ಚಿತ್ರೀಕರಣೊತ್ತರ ಕೆಲಸಗಳು ನಡೆಯುತ್ತಿದ್ದು, ಫೆಬ್ರವರಿಯಲ್ಲಿ ಜನರಿಗೆ ತೋರಿಸಲು ತಂಡವು ಯೋಜನೆ ಹಾಕಿಕೊಂಡಿದೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
11/10/18


For advertisements contact editor
K N Nagesh Kumar, Photo Journalist
Website Desined by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore