HOME
CINEMA NEWS
GALLERY
TV NEWS
REVIEWS
CONTACT US
ಲಾಕ್ ಮಾತಿನ ಮನೆಯಲ್ಲಿ ಎಲ್ಲವು ಲಾಕ್
ಹೊಸಬರ ‘ಲಾಕ್’ ಚಿತ್ರದ ಮೊದಲ ಸುದ್ದಿಗೋಷ್ಟಿಯು ರೇಣುಕಾಂಬ ಸ್ಟುಡಿಯೋದಲ್ಲಿ ನಡೆಯಿತು. ಸರದಿಯಂತೆ ಮೈಕ್ ತೆಗೆದುಕೊಂಡ ನಿರ್ದೇಶಕ,ನಿರ್ಮಾಪಕ ಪರಶುರಾಮ್ ಗೊಂದಲ ಆಗುವಂತೆ ಮಾತನಾಡಿ ಹೆಚ್ಚಿನದನ್ನು ಚಿತ್ರಮಂದಿರದಲ್ಲಿ ನೋಡಬೇಕೆಂದು ಮಾಹಿತಿಗೆ ಲಾಕ್ ಹಾಕಿದರು. ಇದಕ್ಕೆ ಮಾದ್ಯಮದವರಿಂದ ಒರಾತ ಬಂದಾಗ ಒಂದಷ್ಟು ಸುದ್ದಿಯನ್ನು ನೀಡಿದರೂ, ಅದು ಸಹ ಮನದಟ್ಟು ಆಗಲಿಲ್ಲ. ಅವರು ಹೇಳುವಂತೆ. ಇಂದಿನ ಯುವ ಜನಾಂಗವು ಸಿಸ್ಟಮ್‍ನ್ನು ಹೇಗೆ ಸರಿಪಡಿಸಿಕೊಳ್ಳಬಹುದು. ನೇತಾಜಿ ಸುಭಾಸ್‍ಚಂದ್ರಬೋಸ್ ಹೇಳಿದ್ದನ್ನು ವಿವರವಾಗಿ ತಿಳಿಯಲು ಯುವಕರು ಅದನ್ನು ಸಂಶೋಧನೆ ನಡೆಸಲು ಹೋಗುತ್ತಾರೆ. ಆ ಸಮಯದಲ್ಲಿ ಅದು ಲಾಕ್ ಆಗುತ್ತದೆ. ಕತೆಯಲ್ಲಿ ಶೇಕಡ 15 ರಷ್ಟು ನೇತಾಜಿ ಅವರ ಬೋಧನೆ ಬಳಸಲಾಗಿದ್ದು, ಉಳಿದಂತೆ ಕಮರ್ಷಿಯಲ್ ಫಾರ್ಮೆಟ್‍ನಲ್ಲಿ ಇರಲಿದೆ. ಶಶಿಕುಮಾರ್ ಸುಬಾಸ್‍ಚಂದ್ರಬೋಸ್ ಆಗಿ ಕಾಣಿಸಿದ್ದಾರೆ. ಕನಕಪುರ, ಯಾಣ ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ ಅಂತ ತಲೆಗೆ ಹುಳಬಿಟ್ಟರು.

1940 ರಿಂದ 2018ರ ವರೆಗಿನ ಯುವ ಜನಾಂಗವು ಯಾವ ಉದ್ದೇಶಕ್ಕೆ ಹುಡುಗಿಕೊಂಡು ಹೋಗುತ್ತಾರೆ. ಏತಕ್ಕಾಗಿ ಲಾಕ್ ಆಗುತ್ತಾರೆ . ಅದರ ತನಿಖೆಯಲ್ಲಿ ಯಾರ್ಯಾರು ಸೇರಿಕೊಂಡಿರುತ್ತಾರೆ. ಅದನ್ನು ಲಾಕ್‍ಔಟ್ ಮಾಡೋದು ಯಾವಾಗ ಎಂಬುದನ್ನು ಹೇಳುವ ಪ್ರಯತ್ನ ಮಾಡಲಾಗಿದೆ ಅಂತ ಮತ್ತಷ್ಟು ಮಾಹಿತಿಯನ್ನು ಹಿನ್ನೆಲೆ ಸಂಗೀತ ಒದಗಿಸಿರುವ ವಿ.ರಾಘವೇಂದ್ರ ಬಿಚ್ಚಿಟ್ಟರು.

ಒರಟನಾಗಿ ಹುಡುಕಾಟದಲ್ಲಿ ತೊಡಗಿಕೊಂಡಿರುವ ಪಾತ್ರದಲ್ಲಿ ಅಭಿಲಾಷ್ ನಾಯಕ, ಎರಡು ರೀತಿಯಲ್ಲಿ ಕಾಣಿಸಿಕೊಂಡು ಅವನ ಹಿಂದೆ ಹೋಗುವ ಸೌಂದರ್ಯರಮೇಶ್ ನಾಯಕಿ, ದುರಳ ತನಿಖಾಧಿಯಾಗಿ ರಾಜ್‍ಹಿರೇಮಠ್, ಪೋಲೀಸ್ ಅಧಿಕಾರಿಯಾಗಿ ರಾಕ್‍ಸತೀಶ್, ಎರಡು ಶೇಡ್‍ಗಳಲ್ಲಿ ಕಾಣಿಸಿಕೊಂಡಿರುವ ಹಿರಿಯ ನಟ ಎಂ.ಕೆ.ಮಠ ಎಲ್ಲರು ನಿರ್ದೇಶಕರು ಕತೆ ಹೇಳದೆ ತಮ್ಮ ಪಾತ್ರವನ್ನಷ್ಟೇ ಮಾಡಿಸಿದ್ದ್ದರಿಂದ ನಾವುಗಳು ಅವರ ಅಧೀನದಲ್ಲಿ ಲಾಕ್ ಆಗಿದ್ದೇವೆಂಬ ಒಕ್ಕರೂಲ ಮಾತಾಗಿತ್ತು.
ಸಂಗೀತ ಎಂ.ಸಂಜೀವರಾವ್, ಛಾಯಗ್ರಹಣ ವಿನಯ್‍ಚಂದ್ರಪ್ರಸನ್ನ, ಸಂಕಲನ ಗೌತಮ್‍ನಾಯಕ್, ನೃತ್ಯ ಅಕುಲ್ ಅವರದಾಗಿದೆ. ನಿರ್ದೇಶಕರನ್ನು ನಂಬಿಕೊಂಡು ರೋಹಿತ್‍ಅಶೋಕ್‍ಕುಮಾರ್ ನಿರ್ಮಾಣದಲ್ಲಿ ಪಾಲುದಾರರಾಗಿದ್ದಾರೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
10/10/18







For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore