HOME
CINEMA NEWS
GALLERY
TV NEWS
REVIEWS
CONTACT US
ಕಾಲೋನಿಯಲ್ಲಿ ಜಾನಿಯ ಆಟಾಟೋಪಗಳು
ಅದೊಂದು ರೈನ್‍ಬೋ ಕಾಲೋನಿ. ಇದರಲ್ಲಿ ಎಲ್ಲಾ ಜನಾಂಗದವರು ವಾಸ ಮಾಡುತ್ತಿರುತ್ತಾರೆ. ಇಲ್ಲಿನ ಜನರಿಗೆ ಏನೇ ತೊಂದರೆ ಆದರೂ ಸೇª, ರಕ್ಷಣೆ ಮಾಡುತ್ತಿರುವವನು ಜಾನಿ. ಆದರಿಂದಲೇ ಈ ಜಾಗಕ್ಕೆ ಈತ ಪ್ರಸಿದ್ದನಾಗಿರುತ್ತಾನೆ. ‘ಜಾನಿ ಜಾನಿ ಯಸ್ ಪಪ್ಪಾ’ ಚಿತ್ರದಲ್ಲಿ ಮೇಲಿನ ಅಂಶಗಳು ಸನ್ನಿವೇಶಗಳ ಮೂಲಕ ಹಾಸ್ಯದೊಂದಿಗೆ ಬರುತ್ತಲೆ ಇರುತ್ತದೆ. ಜಾನಿಗೆ ಯಾವಗಲೂ ಜೊತೆಯಾಗಿರುವುದು ಪಪ್ಪಾ, ಮತ್ತು ಬಾಲಕ ಬಿ.ಜಯರಾಂ ಉರುಫ್ ಬೀಜ. ಜಾನಿ ಮೇರಾ ನಾಮ್ ಚಿತ್ರದಲ್ಲಿ ನಾಯಕಿಯನ್ನು ಪರಿಚಯಿಸುವಂತೆ ಹೊಸತರಲ್ಲಿ ರಿಪೀಟ್ ಮಾಡಿದ್ದಾರೆ. ಎಂದಿನಂತೆ ಆಕೆ ಇವನ ತುಂಟಾಟಕ್ಕೆ ವಿರೋಧ ವ್ಯಕ್ತಪಡಿಸಿವುದು. ಮುಂದೆ ಹುಡುಗಿಯೊಬ್ಬಳು ಡ್ರಗ್ಸ್ ಜಾಲದಲ್ಲಿ ಸಿಲುಕಿ ಆಕೆಯನ್ನು ರಕ್ಷಿಸಿದಾಗ ಪ್ರಿಯಾಳಿಗೆ ಇವನ ಮೇಲೆ ನಂಬಿಕೆ ಬರುತ್ತದೆ. ರಾತ್ರಿ ಹೊತ್ತು ತೀರ್ಥ ಸೇವಿಸುವಾಗ ಗಾಡ್‍ಸ್ ಈತನಿಗೆ ಮಾತ್ರ ಕಾಣ ಸಿಕೊಂಡು ಪ್ರೀತಿ ಮಾಡಲು ಹುರಿದುಂಬಿಸುವುದು. ಮುಂದೇ ಅಮೇರಿಕಾದಲ್ಲಿ ಕೆಲಸಕ್ಕೆ ನೇಮಕಾತಿ ಆದೇಶ ಬರುತ್ತದೆಂದು ತಿಳಿದಾಗ, ಅಪ್ಪ ಆಕೆ ಹೋಗದಿರಲು ಜಾನಿಗೆ ಡೀಲ್ ಒಪ್ಪಿಸುತ್ತಾನೆ. ಎಲ್ಲರೂ ಸೇರಿ ಯಾವ ರೀತಿ ಹೋಗದಂತೆ ಮಾಡುವಲ್ಲಿ ಹೇಗೆ ಸಪಲರಾರುತ್ತಾರೆ ಎಂಬುದನ್ನು ಕಂಡುಕೊಳ್ಳಲು ಚಿತ್ರಮಂದಿರಕ್ಕೆ ಭೇಟಿ ನೀಡಬೇಕು.

ಜಾನಿಯಾಗಿ ದುನಿಯಾ ವಿಜಯ್ ಅಭಿಮಾನಿಗಳಿಗೆ ಮಸ್ತ್ ಮಜಾ ಕೊಡುತ್ತಾರೆ. ತಾಯಂದಿರಿಗೆ ಗೌರವ ಕೊಡಲು ಕಣ್ಣು ಒದ್ದೆ ಮಾಡುವಂತೆ ಡೈಲಾಗ್ ಹೇಳುತ್ತಾರೆ. ಭಾರತೀಯರು ಗ್ರೇಟ್ ಅಂತ ಹೊಗಳುತ್ತಾರೆ. ಇನ್ನು ಏನೇನೋ ಆಗಿ ಒಂದಷ್ಟು ನಗಿಸುತ್ತಾರೆ. ನಾಯಕಿ ರಚಿತಾರಾಂ ಕನ್ನಡಕ್ಕಿಂತ ಹೆಚ್ಚು ಇಂಗ್ಲೀಷ್‍ನಲ್ಲಿ ಮಾತನಾಡುತ್ತಾ ಚೆಂದ ಕಾಣ ಸುತ್ತಾರೆ. ಹೊಸ ಪದ್ಮಾವತಿ ಹಾಡನಲ್ಲಿ ಇಬ್ಬರು ಜಬರ್‍ದಸ್ತ್ ಆಗಿ ಕುಣ ದಿರುವುದು ಹಳೆಯನ್ನು ಮರೆಸುವಂತಿದೆ. ರಂಗಾಯಣರಘು ಪಪ್ಪಾ ಹೆಸರಿನಲ್ಲಿ ಸಿನಿಮಾ ಪೂರ್ತಿ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ ಒಂದೆರೆಡು ಸೀನ್‍ಗಳಲ್ಲಿ ಕಾಣ ಸಿಕೊಂಡಿರುವ ಗಡ್ಡಪ್ಪ ಎಂದಿನಂತೆ ಡಬ್ಬಲ್ ಮೀನಿಂಗ್ ಡೈಲಾಗ್‍ನ್ನು ಹರಿಬಿಡುತ್ತಾರೆ. ದೇವತೆಯಾಗಿ ಕಾಣ ಸಿವ ಮಯೂರಿ ಹಾಗೆ ಬಂದು ಹಾಗೆ ಹೋಗುತ್ತಾರೆ. ತಬಲನಾಣ ಸಂಭಾಷಣೆ ಅಲ್ಲಲ್ಲಿ ಕಚಗುಳಿ ಕೊಡುತ್ತದೆ. ಮೋಹನ್.ಬಿ.ಕೆರೆ ಕಲಾ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಅದ್ಬುತ ಸೆಟ್‍ನಲ್ಲಿ ಒಂದು ಹಾಡು ಹೊರತುಪಡಿಸಿದರೆ ಉಳಿದವು ಕಾಲೋನಿಯಲ್ಲಿ ಚೆನ್ನಾಗಿ ಸೆರೆಹಿಡಿದಿರುವುದು ಕರುಣಾಕರ್. ಬಿ.ಅಜನೀಶ್ ಲೋಕನಾಥ್ ಸಂಗೀತದಲ್ಲಿ ಹಾಡುಗಳು ಪರವಾಗಿಲ್ಲ. ಇದಕ್ಕೆಲ್ಲಾ ಕಳಸವಿಟ್ಟಂತೆ ಚೆಂದದ ಕತೆ ಬರೆದು ನಿರ್ದೇಶನ ಮಾಡಿರುವುದು ಪ್ರೀತಂಗುಬ್ಬಿ. ವಿಜಯ್ ಮೊದಲ ಪ್ರಯತ್ನ ಎನ್ನುವಂತೆ ದುನಿಯಾ ಟಾಕೀಸ್ ಮುಖಾಂತರ ನಿರ್ಮಾಣ ಮಾಡಿ ಯಶಸ್ಸನ್ನು ಪಡೆಯಲಿದ್ದಾರೆ ಎಂದು ಹೇಳಬಹುದು. ಜಯಣ್ಣ ಫಿಲಿಂಸ್ ಬಿಡುಗಡೆ ಮಾಡಿರುವ ಚಿತ್ರವು ವರ್ಷದ ಹಿಟ್ ಚಿತ್ರ ಆಗುವುದರಲ್ಲಿ ಸಂದೇಹವಿಲ್ಲ.

ಸಿನಿ ಸರ್ಕಲ್.ಇನ್ ನ್ಯೂಸ್
30/03/18

ರಾಮನಾಗಿ ವಿಜಯ್, ಹನುಮಂತನಾಗಿ ರಂಗಾಯಣರಘು
ಭಾನುವಾರ ರಾಮನವಮಿಯನ್ನು ಆಚರಿಸಿಕೊಳ್ಳಲಾಯಿತು. ಇದನ್ನು ಹೇಳಲು ಕಾರಣವಿದೆ. ‘ಜಾನಿ ಜಾನಿ ಯೆಸ್ ಪಪ್ಪಾ’ ಚಿತ್ರದ ಒಂದು ಸನ್ನಿವೇಶದಲ್ಲಿ ಶ್ರೀರಾಮನ ಪಾತ್ರದಲ್ಲಿ ದುನಿಯಾ ವಿಜಯ್, ಹಾಗೂ ಹನುಮಂತನಾಗಿ ರಂಗಾಯಣರಘು ನಟಿಸಿದ ದೃಶ್ಯಗಳ ಟೀಸರ್‍ನ್ನು ಚಿತ್ರತಂಡವು ಬಿಡುಗಡೆ ಮಾಡಲಾಗಿ, ವೈರಲ್ ಆಗಿರುವುದು ಪ್ಲಸ್ ಪಾಯಿಂಟ್ ಆಗಿದೆ. ದನಕಾಯೋನು ಚಿತ್ರಕ್ಕೆ ಕೃಷ್ಣನಾಗಿ ಕಾಣ ಸಿಕೊಂಡಿದ್ದ ವಿಜಿ, ಇದರಲ್ಲಿ ರಾಮನ ವೇಷ ತೊಟ್ಟಿದ್ದಾರೆ. ಕತೆಯಲ್ಲಿ ಹಲವು ಪಾತ್ರಗಳು ಕಾಣ ಸಿಲಿರುವುದರಿಂದ ಅದರಂತೆ ಇದು ಸಹ ಒಂದಾಗಿದೆಯಂತೆ. ಅಲ್ಲದೆ ತಮ್ಮ ನಟನೆಯ ಚಿತ್ರಗಳಲ್ಲಿ ರಂಗಭೂಮಿಯ ಹಿನ್ನಲೆಯಿಂದ ಬರುವ ದೃಶ್ಯಗಳನ್ನು ಸೇರಿಸಲು ಬಯಸುತ್ತಾರೆ. ನಾಯಕಿಯಾಗಿ ರಚಿತಾರಾಂ ನಟಿಸಿದ್ದಾರೆ. ಉಳಿದಂತೆ ಸಾಧುಕೋಕಿಲ, ದತ್ತಣ್ಣ, ಗಡ್ಡಪ್ಪ, ಅಚ್ಯುತಕುಮಾರ್ ಮುಂತಾದವರ ತಾರಗಣವಿದೆ.

ದುನಿಯಾ ಟಾಕೀಸ್ ಮುಖಾಂತರ ಮೊದಲಬಾರಿ ನಿರ್ಮಾಣ ಮಾಡಿರುವ ವಿಜಯ್ ಚಿತ್ರದ ಮೇಲೆ ಭರವಸೆಯನ್ನು ಇಟ್ಟುಕೊಂಡಿದ್ದಾರೆ. ಪ್ರೀತಂಗುಬ್ಬಿ ನಿರ್ದೇಶನದಲ್ಲಿ ಬಿ.ಅಜನೀಶ್‍ಲೋಕನಾಥ್ ಸಂಗೀತ, ಧನಂಜಯ್ ಸಾಹಿತ್ಯದ ಗೀತೆಗಳಲ್ಲಿ ಹಾಡುಗಳು ಹಿಟ್ ಆಗಿದೆ. ಸಂಭಾಷಣೆ ತಬಲನಾಣ , ಛಾಯಗ್ರಹಣ ಕರುಣಾಕರ್.ಎ, ಕಲೆ ಮೋಹನ್.ಬಿ.ಕೆರೆ, ಸಾಹಸ ವಿನೋಧ್, ನೃತ್ಯ ಮುರಳಿ ಅವರದಾಗಿದೆ. ಹೆಸರಾಂತ ಸಂಸ್ಥೆ ಜಯಣ್ಣ-ಭೋಗೇಂದ್ರ ಮುಖಾಂತರ ಇದೇ ಶುಕ್ರವಾರದಂದು ರಾಜ್ಯದ್ಯಂತ ಜಾನಿಯ ಆಟವನ್ನು ನೋಡಬಹುದು.

ಸಿನಿ ಸರ್ಕಲ್.ಇನ್ ನ್ಯೂಸ್
28/03/18




ಗಾಲ್ಫ್ ಕ್ಲಬ್‍ನಲ್ಲಿ ಜಾನಿ ಜಾನಿ ಯಸ್ ಪಾಪ
ಶನಿವಾರ ರಾತ್ರಿ ಒಂದು ಕಡೆ ಗಾಲ್ಫ್ ಆಡುತ್ತಿದ್ದರೆ ಮತ್ತೋಂದು ಕಡೆ ‘ಜಾನಿ ಜಾನಿ ಯಸ್ ಪಾಪ’ ಚಿತ್ರದ ಧ್ವನಿಸಾಂದ್ರಿಕೆ ಕಾರ್ಯಕ್ರಮ ನಡೆಯಿತು. ತುಸು ತಡವಾಗಿ ಆರಂಭಗೊಂಡ ಸಮಾರಂಭವು ಎಲ್ಲರು ಚುಟುಕು ಮಾತನಾಡಿದ್ದರಿಂದ ಅಷ್ಟೇ ಬೇಗನೆ ಮುಗಿಯಿತು. ಮೈಕ್ ತೆಗೆದುಕೊಂಡ ನಿರ್ದೇಶಕ ಪ್ರೀತಂಗುಬ್ಬಿ ಸದ್ಯ ಹಿನ್ನಲೆ ಸಂಗೀತ ನಡೆಯುತ್ತಿದೆ. ವಿಜಿ ಅವರೊಂದಿಗೆ ಎರಡನೆ ಸಿನಿಮಾದಲ್ಲಿ ಕೆಲಸ ಮಾಡಲಾಗಿದೆ. ಅವರು ದುನಿಯಾ ಟಾಕೀಸ್ ಮೂಲಕ ಮೊದಲ ಬಾರಿ ನಿರ್ಮಾಣ ಮಾಡಿದ್ದಾರೆ. ಒಂದು ಫೋನ್ ಕಾಲ್, ಚರ್ಚೆ ನಡೆಸಿ ಶುರು ಮಾಡುವ ಎಂದು ಹೇಳಿದಂತೆ ಇಲ್ಲಿಯವರೆಗೂ ತಂದು ನಿಲ್ಲಿಸಿದೆ ಎಂದರು. ಜಯಣ್ಣ ಟಾಕೀಸ್ ಮುಖಾಂತರ ಸದ್ಯದಲ್ಲೆ ಬಿಡುಗಡೆ ಮಾಡಲು ಯೋಜನೆ ಹಾಕಲಾಗಿದೆ. ಇವತ್ತಿನ ಹೀರೋ ಸಾಹಿತಿ, ಸಂಗೀತ ನಿರ್ದೇಶಕರು. ಧನಂಜಯ್ ಒಳ್ಳೆ ಸಾಹಿತ್ಯ ನೀಡಿದ್ದಾರೆ. ಮುಂದಿನ ಚಿತ್ರಕ್ಕೆ ಹಾಡುಗಳನ್ನು ಬರೆಯಬೇಕು, ಅಲ್ಲದೆ ಸಾದ್ಯವಾದರೆ ಮುಂದೆ ನಿರ್ದೇಶನ ಮಾಡಬೇಕೆಂದು ಅವಲತ್ತು ಮಾಡಿಕೊಂಡರು ವಿಜಯ್. ಅಷ್ಟರಲ್ಲಿ ಇಂದನ ಸಚಿವ ಡಿ.ಕೆ.ಶಿವಕುಮಾರ್ ಆಗಮನವಾಯಿತು.

ಸಿಡಿ ಬಿಡುಗಡೆ ಮಾಡಿದ ಸಚಿವರು ಮಾತನಾಡಿ ವಿಜಯ್ ಅವರು ಸ್ವಂತ ಪರಿಶ್ರಮದಿಂದ ಈ ಸ್ಥಾನಕ್ಕೆ ಬಂದು ಮತ್ತೋಂದು ಸಾಹಸಕ್ಕೆ ಕೈ ಹಾಕಿದ್ದಾರೆ. ಕನ್ನಡ ಚಿತ್ರರಂಗ ಉತ್ತುಂಗಕ್ಕೆ ಬೆಳಯುತ್ತಿದೆ. ಆದರೆ ಯಶಸ್ಸು ಕಡಿಮೆ. ರಾಜ್ಯದ ಜನತೆ ಚಿತ್ರವನ್ನು ಯಶಸ್ಸು ಮಾಡಲು ಶುಭ ಹಾರೈಸಬೇಕೆಂದು ಕೋರಿದರು. ಮುಂದೆ ಕಾರ್ಯಕ್ರಮದಲ್ಲಿ ಭಾಗಿಯಾದ ನಾಯಕಿ ರಚಿತಾರಾಮ್ ನಾನು ಮೊದಲ ಬಾರಿ ಕಂಠದಾನ ಮಾಡಿರುವುದು ಖುಷಿ ತಂದಿದೆ. ಹೊಸ ಪದ್ಮಾವತಿ ಗೀತೆ ಎಲ್ಲರಿಗೂ ಇಷ್ಟವಾಗಬಹುದು. ಗೋವಾದಲ್ಲಿ ಕೊನೆಯ ಹಂತದ ಚಿತ್ರೀಕರಣ ನಡೆಸಿದ್ದು ಮರೆಯಲಾಗದು. ಒಟ್ಟಾರೆ 23 ದಿವಸ ಕುಟುಂಬಕ್ಕಿಂತ ಹೆಚ್ಚಾಗಿ ಎಲ್ಲರೂ ಒಟ್ಟಿಗೆ ಇದ್ದೇವು. ಚಿತ್ರದಲ್ಲಿ ನನ್ನ ಕೆಲಸ ತಪ್ಪಾಗಿದ್ದರೆ ಅದರ ಹೊರೆಯನ್ನು ನಾನೇ ಹೊತ್ತ್ತುಕೊಳ್ಳುತ್ತೇನೆ. ಚೆನ್ನಾಗಿದ್ದರೆ ಸಂಪೂರ್ಣ ಕ್ರೆಡಿಟ್ ನಿರ್ದೇಶಕರಿಗೆ ಸೇರಬೇಕು ಎಂದರು. ಸಂಭಾಷಣೆ ಬರೆದಿರುವ ತಬಲನಾಣ ದುನಿಯಾ ಟಾಕೀಸ್‍ನಲ್ಲಿ ಒಬ್ಬ ಕಾರ್ಯಕರ್ತನೆಂದು ಹೇಳಿಕೊಳ್ಳಲು ಹೆಮ್ಮೆಯಾಗುತ್ತದೆ ಎಂದರು. ಇದಕ್ಕೂ ಮುನ್ನ ಮೂರು ಹಾಡುಗಳನ್ನು ತೋರಿಸಲಾಯಿತು. ಜಯಣ್ಣ ಕಂಬೈನ್ಸ್ ಜಯಣ್ಣ, ಸಂಗೀತ ನಿರ್ದೇಶಕ ಅಜನೀಶ್‍ಲೋಕನಾಥ್, ಹಿರಿಯ ನಟ ವಿಜಯಕಾಶಿ, ಬಾಲ ನಟ ಹೇಮಂತ್ , ತಂತ್ರಜ್ಘರು ಹಾಜರಿದ್ದರು.

ಸಿನಿ ಸರ್ಕಲ್.ಇನ್ ನ್ಯೂಸ್
11/03/18



ದುನಿಯಾ ವಿಜಿ ನಿರ್ಮಾಣದಲ್ಲಿ ಜಾನಿ ಜಾನಿ ಯಸ್ ಪಪ್ಪಾ
ದುನಿಯಾ ಟಾಕೀಸ್ ಬ್ಯಾನರ್‍ನಡಿ ನಿರ್ಮಾಣವಾಗುತ್ತಿರುವ ಚೂಚ್ಚಲ ಚಿತ್ರ ‘ಜಾನಿ ಜಾನಿ ಯೆಸ್ ಪಪ್ಪಾ’ ಇಲ್ಲಿಯವರೆಗೂ ಶೇಕಡ 50 ಚಿತ್ರೀಕರಣ ಮುಗಿಸಿದೆ. ನೆಲಮಂಗಲ ಬಳಿ ಇರುವ ಮೋಹನ್.ಬಿ.ಕೆರೆ ಸ್ಟುಡಿಯೋದ ಸಂರ್ಕೀಣ ಸೆಟ್‍ಗಳಲ್ಲಿ ಶೂಟಿಂಗ್ ನಡೆಯುತ್ತಿದೆ. ಸದ್ಯ ಹಾಡಿನ ದೃಶ್ಯಗಳನ್ನು ಸೆರೆಹಿಡಿಯುತ್ತಿರುವುದರಿಂದ ಮಾದ್ಯಮದವರನ್ನು ಆಹ್ವಾನಿಸಲಾಗಿತ್ತು. ಪತ್ರಕರ್ತರು ಸೆಟ್ ಹೋದಾಗ ಶಿವಾಜಿನಗರದ ರೆಸಲ್ ಮಾರ್ಕಟ್, ಸಿಟಿಮಾರ್ಕೆಟ್, ಮಸೀದಿ, ದೇವಸ್ಥಾನದ ಬೀದಿ ಇವೆಲ್ಲವು ರಿಯಲ್‍ನಂತೆ ಸೃಷ್ಟಿಸಿರುವುದು ಕಂಡುಬಂತು. ಕೆಲಸವು ಸಾಯಂಕಾಲ ಶುರುವಾಗಬೇಕಾಗಿರುವುದರಿಂದ ತಂಡವು ಚಿತ್ರದ ಕುರಿತು ಮಾತುಗಳನ್ನು ಹಂಚಿಕೊಂಡಿತು. ಮೊದಲು ಮಾತನಾಡಿದ ವಿಜಯ್ ಇಲ್ಲಿಯವರೆಗೂ 60 ದಿನಗಳ ಚಿತ್ರೀಕರಣ ನಡೆಸಲಾಗಿದೆ. ರೈನ್‍ಬೋ ಕಾಲೋನಿಯಲ್ಲಿ ಮೂರು ಧರ್ಮಗಳ ಬೀದಿಯನ್ನು ಸೃಷ್ಟಿಸಲಾಗಿದೆ. ಈ ಕಾಲೋನಿಗೆ ಸಣ್ಣವರಿಂದ ಹಿಡಿದು ದೊಡ್ಡವರು ಬರುತ್ತಾರೆ. ಅವರ ಸಮಸ್ಯೆಗಳನ್ನು ಪರಿಹರಿಸುತ್ತೇನೆ. ನಾಲ್ಕು ಆಕ್ಷನ್, ಕಾಮಿಡಿ ಇದೆ ಎಂದರು.

ವಿಜಯ್-ರಂಗಾಯಣರಘು ಜುಗಲ್‍ಬಂದಿಯ ಹಾಡನ್ನು ಚಿತ್ರೀಕರಿಸಲಾಗುತ್ತಿದೆ. ಇಬ್ಬರು ಎಂಟು ಗೆಟ್‍ಪ್‍ಗಳಲ್ಲಿ ಕಾಣ ಸಿಕೊಳ್ಳುತ್ತಿರುವುದು ವಿಶೇಷ. ವಿಜಯ್‍ರವರು ಹೊಸ ಪದ್ಮಾವತಿ ಗೀತೆಗೆ ದೇಹವನ್ನು ದಂಡಿಸಿ ವಿಭಿನ್ನ ಲುಕ್‍ನಲ್ಲಿ ನೋಡುವುದೇ ಖುಷಿ ಕೊಡುತ್ತದೆ. ಜನವರಿಯಲ್ಲಿ ಧ್ವನಿಸಾಂದ್ರಿಕೆ ಬಿಡುಗಡೆ, ಮುಂದಿನ ದಿನಗಳಲ್ಲಿ ಪ್ರಚಾರದ ಕೆಲಸವನ್ನು ಶುರುಮಾಡುವ ಯೋಜನೆ ಹಾಕಿಕೊಳ್ಳಲಾಗಿದೆ. ಜಾನಿ ಮೇರಾ ನಾಮ್ ಮುಂದುವರಿದ ಭಾಗವಾಗಿದ್ದು, ಅಲ್ಲಿನವರೆ ಇರಲಿದ್ದು ಹೊಸದಾಗಿ ರಚಿತಾರಾಮ್, ಬಾಲಕ ಹೇಮಂತ್ ಸೇರ್ಪಡೆಯಾಗಿದ್ದಾರೆ, ಅಚ್ಯುತಕುಮಾರ್ ನಾಯಕಿ ತಂದೆ ಪಾತ್ರ ಎಂಬುದರ ಮಾಹಿತಿ ಬಿಚ್ಚಿಟ್ಟರು ನಿರ್ದೇಶಕ ಪ್ರೀತಂಗುಬ್ಬಿ. ಈ ಸ್ಟುಡಿಯೋ ಸ್ಥಾಪಿಸಲು ಜಾನಿ ಮೇರಾ ಸಿನಿಮಾ ಪ್ರೇರಣೆಯಾಗಿದೆ. ಪ್ರಾರಂಬದಲ್ಲಿ ಸ್ಕೆಚ್ ಹಾಕಿ ತೋರಿಸಿದಾಗ ವಿಜಯ್‍ರವರು ಇದನ್ನು ಮಾಡಲು ಸಾದ್ಯನಾ ಅಂತ ಕೇಳಿದ್ದರು. ನಂತರ ಎಲ್ಲವನ್ನು ನೋಡಿ ಖುಷಿ ಪಟ್ಟಿದ್ದಾರೆ. 70 ದಿನ, 150 ಕೆಲಸಗಾರರು, ಒಂದೂ ಮುಕ್ಕಾಲು ಕೋಟಿ ಖರ್ಚಾಗಿರುವುದಾಗಿ ವಿವರ ನೀಡಿದರು ಮೋಹನ್.ಬಿ.ಕೆರೆ.

ಕಿರಿಕ್‍ಪಾರ್ಟಿಗೆ ಸಾಹಿತ್ಯ ಒದಗಿಸಿದ್ದ ಧನಂಜಯ್‍ರಂಜನ್ ನಾಲ್ಕು ಹಾಡುಗಳನ್ನು ಬರೆದಿದ್ದಾರೆ. ನೋಡುಗನಿಗೆ ಸಿನಿಮಾ-ಸಂಗೀತ ಮುದ ನೀಡುತ್ತದೆ. ಎರಡು ಹಾಡುಗಳಿಗೆ ವಿಜಯ್‍ಪ್ರಕಾಶ್ ಧ್ವನಿಯಾಗಿದ್ದಾರೆ ಎಂಬ ನುಡಿ ಸಂಗೀತ ನಿರ್ದೇಶಕ ಅಜನೀಶ್‍ಲೋಕನಾಥ್ ಅವರದಾಗಿತ್ತು. ಸರ್ಕಾರ, ವಿದ್ಯ, ಯೌವ್ವನ ಇವೆಲ್ಲಾ ಸಮಸ್ಯೆಗಳು ಕಾಲೋನಿಗೆ ಬಂದಾಗ ಅವೆಲ್ಲಾವನ್ನು ಪ್ರಹಸನ ರೀತಿಯಲ್ಲಿ ಹೇಳುವ ಪ್ರಯತ್ನ ಮಾಡಲಾಗಿದೆ. ರಂಗಭೂಮಿಯಂತೆ ತಾಲೀಮು ನಡೆಸಲು ಅವಕಾಶ ಇದೆ. ಎಲ್ಲವು ಒಳಗಡೆ, ಅಲ್ಲದೆ ಜನರ ತೊಂದರೆ ಇಲ್ಲದೆ ಇರುವುದರಿಂದ ಸುಗಮವಾಗಿ ಅಭಿನಯಿಸಬಹುದು ಅಂತಾರೆ ರಂಗಾಯಣರಘು. ನನ್ನದು ಕನ್ನಡ-ಇಂಗ್ಲೀಷ್ ಮಿಶ್ರಣ ಮಾಡಿ ಮಾತನಾಡಿದ್ದೇನೆ. ಬಯಕೆಗಳನ್ನು ಹೊಂದಿರುವ ವೆಸ್ಟ್ರನ್ ಹುಡುಗಿ, ನನ್ನ ಗ್ಲಾಮರ್‍ನ್ನು ಸುಂದರವಾಗಿ ತೋರಿಸಲಾಗಿದೆ. ನಟಿಸುವಾಗ ನಗು ತಡೆಯಲಾರದೆ ಕಷ್ಟವಾಗುತ್ತಿತ್ತು. ಆ ಜಾಗದಲ್ಲಿ ನಮ್ಮದೆ ಡೈಲಾಗ್ ಹೇಳಿದ್ದೇವೆ. ಹೊಸ ಪದ್ಮಾವತಿ ಇಷ್ಟದ ಹಾಡು. ಆಡಿಯೋ ರಿಲೀಸ್‍ಗೆ ಕಾಯುತ್ತಿದ್ದೇನೆ. ಟೈಟಲ್ ಕ್ಯಾಚಿಯಾಗಿದೆ ಅಂತ ಕಿರುನಗೆ ಚೆಲ್ಲಿದರು ರಚಿತಾರಾಮ್.
-6/12/17


For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore