HOME
CINEMA NEWS
GALLERY
TV NEWS
REVIEWS
CONTACT US
ದಿಗ್ಗಜರು ಬಿಡುಗಡೆ ಮಾಡಿದ ಗೂಸಿ ಗ್ಯಾಂಗ್ ಹಾಡುಗಳು
ಹಲವು ವರ್ಷಗಳ ನಂತರ ನಾದಬ್ಹಹ್ಮ ಹಂಸಲೇಖಾ, ಜಗ್ಗೇಶ್ ಒಂದೇ ವೇದಿಕೆ ಹಂಚಿಕೊಂಡಿದ್ದರಿಂದ ಅದನ್ನು ನೋಡುವುದೇ ಖುಷಿ ಕೊಡುತ್ತಿತ್ತು. ಮೈಕ್ ತೆಗೆದುಕೊಂಡ ಜಗ್ಗೇಶ್ ನಮ್ಮ ಕಾಲದಲ್ಲಿ ಚಿತ್ರಗಳನ್ನು ಕುಟುಂಬಸಮೇತ ನೋಡುತ್ತಿದ್ದರು. ಈಗ ಕಾಲಬದಲಾಗಿದೆ. 24-60ರ ವಯೋಮಾನದವರು ಮಾತ್ರ ಟಾಕೀಸ್‍ಗೆ ಬರುತ್ತಿರುವುದರಿಂದ ಅವರಿಗೋಸ್ಕರ ನಿರ್ಮಾಣ ಮಾಡಬೇಕಾಗಿದೆ. ಇದಕ್ಕೆತಕ್ಕಂತೆ ಪ್ರಮೋಷನ್ ಅಗತ್ಯವಿದೆ. ಡಾ.ಅಂಬೇಡ್ಕರ್ ಹೇಳಿದಂತೆ ಆಚಾರ,ವಿಚಾರದಿಂದ ಪ್ರಚಾರ ಮಾಡಬೇಕು. ಚಿತ್ರರಂಗ ಎಲ್ಲವನ್ನು ಕೊಟ್ಟಿದೆ. ನನಗೆ ನೀಡಿದಂತೆ ಮುಂದೆ ಬರುವ ಕಲಾವಿದರನ್ನು ಅರಸು ಎಂದು ದೇವರನ್ನು ಪ್ರಾರ್ಥಿಸುತ್ತೆನೆ. ಸ್ವಾರ್ಥ ಬೇಡ, ತೃಪ್ತಿ ಇರಬೇಕು. ನಮ್ಮ ಚಂದನವನ ಪ್ರಸಕ್ತ ಒಳ್ಳೆ ಸ್ಥಿತಿಯಲ್ಲಿದೆ. ಪುಟಾಣಿ ಕರ್ನಾಟಕದಲ್ಲಿ ರಾಜಕುಮಾರ 50ಕೋಟಿ ಗಳಿಕೆ ಸಾಧಿಸಿದೆ. ಇದರಂತೆ ಎಲ್ಲಾ ಚಿತ್ರಗಳು ಆಗಬೇಕು. ಎಷ್ಟೋ ವರ್ಷಗಳ ನಂತರ ಹಂಸಲೇಖ ಅವರೊಂದಿಗೆ ವೇದಿಕೆ ಹಂಚಿಕೊಂಡಿದ್ದೇನೆ. ಚಾಮುಂಡೇಶ್ವರಿ ಸ್ಟುಡಿಯೋ ಒಂಥರ ವಿಶ್ವವಿದ್ಯಾಲಯ ಕ್ಯಾಂಪಸ್ ಇದ್ದಂತೆ, ಆ ಜಾಗದಲ್ಲಿ ಅವರನ್ನು ಮೊದಲಬಾರಿ ನೋಡಿದ್ದೆ. ಅವರಲ್ಲಿ ಅಕ್ಷರದ ಗಣಿ ತುಂಬಿದೆ. ಅವರ ಹಾಡುಗಳು ಈಗಲೂ ಗುನುಗುವಂತಿದೆ. ಯಾವುದೇ ಹಾಡು ತೆಗೆದುಕೊಂಡರೂ ಅದರಲ್ಲಿ ಸರ್ ಲೇಪನ ಕಾಣುತ್ತದೆ. ತಮಿಳಿನಲ್ಲಿ ಇಳಯರಾಜರಂತೆ, ಇಲ್ಲಿ ಹಂಸಲೇಖಾ ಕಾಣುತ್ತಾರೆ ಎಂದು ಕ್ಯಾಚ್ ಆಫೀಸ್, ಹಂಸಲೇಖಾ ಸಹಾಯ ಮಾಡಿದ್ದು, ಕಷ್ಟದ ದಿನಗಳನ್ನು ನೆನಪಿಸಿಕೊಳ್ಳುತ್ತಾ ಭಾವುಕರಾದರು ಜಗ್ಗೇಶ್. ಕತೆ ಬರೆದು ಮಗನ ಸಲುವಾಗಿ ನಿರ್ಮಾಣ ಮಾಡಿರುವ ಕೆ.ಶಿವಕುಮಾರ್ ನಿರ್ದೇಶಕರೊಂದಿಗಿನ ಹೊಂದಾಣಿಕಯಿಂದ ಚಿತ್ರವು ಇಲ್ಲಿಯವರೆಗೂ ತಂದು ನಿಲ್ಲಿಸಿದೆ. ಮಾದ್ಯಮದ ಸಹಕಾರಬೇಕೆಂದು ಕೋರಿದರು. ಚಿಕ್ಕ ವಯಸ್ಸಿನಿಂದಲೂ ಅಭಿನಯದಲ್ಲಿ ಆಸಕ್ತಿ ಇತ್ತು. ನನ್ನ ಆಸೆಗೆ ಅಪ್ಪ ಚಿತ್ರ ಮಾಡಿದ್ದಾರೆ. ನಿರ್ದೇಶಕರು ಹೃದಯ ಆಗಿದ್ದರೆ, ಪ್ರೇಕ್ಷಕರು ಉಸಿರಾಟವೆಂದು ಅಜಯ್‍ಕಾರ್ತಿಕ್ ಹೇಳಿಕೊಂಡರು.

ಹಂಸಲೇಖಾ ಅವರು ಜಗ್ಗೇಶ್ ಮಾತುಗಾರಿಜೆ, ಗುಣವನ್ನು ಹೊಗಳುತ್ತಾ, ಕಲಾವಿದರಿಗೆ ಬದ್ದತೆ ಇದ್ದರೆ, ಕಳೆ ತುಂಬುತ್ತೆ. ಇದರಿಂದ ಕಲೆಗೆ ಬೆಲೆ ಸಿಗುತ್ತೆ. ಇದನ್ನು ಪ್ರೀತಿಯಿಂದ ಮಾತ್ರ ಪಡೆಯಲು ಸಾಧ್ಯ. ನಾವು ಸೆನ್ಸ್ ಮೂಲಕ ಕೆಲಸ ಮಾಡುತ್ತಿದ್ದರೆ, ಈಗಿನವರು ಲೆನ್ಸ್ ಮೂಲಕ ಹೋಗುತ್ತಾರೆ. ಕುಡುಕರ ಹಾಡು ಇಲ್ಲಿರುವಷ್ಟು ಭಾರತೀಯ ಚಿತ್ರರಂಗದಲ್ಲಿ ಎಲ್ಲೂ ಇಲ್ಲ. ಗೂಸಿ ಗ್ಯಾಂಗ್ ಜನರಿಗೆ ಗೋ ಸೀ ಆಗಲಿ ಎಂದು ಶಿಷ್ಯರುಗಳಾದ ಸಾಹಿತಿ ಕಲ್ಯಾಣ್, ಚಿತ್ರಕ್ಕೆ ಸಂಗೀತ ಒದಗಿಸಿರುವ ಆರವ್‍ರುಶಿಕ್ ಸಾಧನೆಯನ್ನು ಪ್ರಶಂಸಿದರು. ಥ್ರಿಲ್ಲರ್ ಕತೆಯಾಗಿದ್ದು, ನಿಘಂಟುದಲ್ಲಿ ಇರುವ ಪದವನ್ನು ಶೀರ್ಷಿಕೆಯಾಗಿ ಬಳಸಲಾಗಿದೆ. ಗೂಸಿ ಹುಡುಗರು ಅಂತ ಯಾಕೆ ಕರೆಯುತ್ತಾರೆ ಅಂತ ತಿಳಿಯಲು ಚಿತ್ರ ನೋಡಿ ಎಂದರು ಚಿತ್ರಕತೆ,ನಿರ್ದೇಶನ ಮಾಡಿರುವ ರಾಜುದೇವಸಂದ್ರ.

ನಾಯಕಿಯರಾದ ಅನುಷಾರೈ, ಮೋನಿಕಾ, ಸೋನುಪಾಟೀಲ್, ಖಳನಾಯಕ ಅಪ್ಪುವೆಂಕಟೇಶ್ ಮೌನಕ್ಕೆ ಜಾರಿದ್ದರು. ತಂಡಕ್ಕೆ ಶುಭ ಹಾರೈಸಲು ಆಗಮಸಿದ್ದ ಹಿರಿಯ ನಿರ್ಮಾಪಕ,ವಿತರಕ ಹೆಚ್.ಡಿ.ಗಂಗರಾಜು ಅವರ 73ನೇ ಹುಟ್ಟಹಬ್ಬವನ್ನು ಇದೇ ಸಂದರ್ಭದಲ್ಲಿ ಆಚರಿಸಲಾಯಿತು. ಇದಕ್ಕೂ ಮುನ್ನ ಸಿನಿಮಾದ ಎರಡು ಹಾಡು ಮತ್ತು ಟ್ರೈಲರ್ ದೊಡ್ಡ ಪರದೆ ಮೇಲೆ ಬಿತ್ತರಗೊಂಡಿತು.
ಸಿನಿ ಸರ್ಕಲ್.ಇನ್ ನ್ಯೂಸ್
16/06/18












ಕಾಲೇಜು ಹುಡುಗರ ಗೂಸಿ ಗ್ಯಾಂಗ್
ಕಾಮಿಡಿ, ಆಕ್ಷನ್ ಕುರಿತ ‘ಗೂಸಿ ಗ್ಯಾಂಗ್’ ಸಿನಿಮಾವು ಸದ್ಯ ಚಿತ್ರೀಕರಣೋತ್ರರ ಕೆಲಸದಲ್ಲಿ ಬ್ಯುಸಿ ಇದೆ. ಶೀರ್ಷಿಕೆ ಹೇಳುವಂತೆ ಹಳ್ಳಿಯಿಂದ ಪಟ್ಟಣಕ್ಕೆ ಮೂವರು ಮುಗ್ದ ಹುಡುಗರು ವ್ಯಾಸಾಂಗ ಮಾಡಲು ಬರುತ್ತಾರೆ. ಅದೇ ಕಾಲೇಜಿನಲ್ಲಿರುವ ಪುಂಡರು ಇವರನ್ನು ಕೆಟ್ಟ ದಾರಿಗೆ ಬಳಸಿಕೊಂಡಾಗ ಏನೇನು ಅವಾಂತರಗಳು ನಡೆಯುತ್ತವೆ. ಗೊತ್ತಿಲ್ಲದೆ ಮಾಫಿಯಾ ಲೋಕಕ್ಕೆ ಪ್ರವೇಶ ಮಾಡಿ ಹೇಗೆ ಹೊರಗೆ ಬರುತ್ತಾರೆ ಎಂಬುದು ಒಂದು ಏಳೆಯ ಸಾರಾಂಶವಾಗಿದೆ. ಅಲ್ಲದೆ ಆರ್ಥಪೂರ್ಣ ಸಂದೇಶವನ್ನು ಹೇಳಲಾಗಿದೆ. ಮೈಸೂರು, ಬೆಂಗಳೂರು, ಮಂಡ್ಯಾ, ಟಿ.ನರಸಿಪುರ ತಟಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಕೆ.ಕಲ್ಯಾಣ್ 3 ಮತ್ತು ರಾಜುದೇವಸಂದ್ರ ಸಾಹಿತ್ಯದ ಒಟ್ಟು ನಾಲ್ಕು ಹಾಡುಗಳಿಗೆ ಇಳಯರಾಜ ಬಳಿ ಕೆಲಸ ಮಾಡಿರುವ ಹಾಗೂ ಹಂಸಲೇಖಾ ಶಿಷ್ಯ ಆರವ್‍ಕೌಶಿಕ್ ಸಂಗೀತ ಸಂಯೋಜಿಸಿದ್ದಾರೆ. ವಿಜಯಪ್ರಕಾಶ್, ಅವಿನಾಶ್‍ಚಬ್ಬಿ, ಅನುರಾಧಭಟ್ ಗೀತೆಗಳಿಗೆ ಧ್ವನಿಯಾಗಿದ್ದಾರೆ.

ಭಿಕ್ಷೆ ಬೇಡೋದು ತಪ್ಪು ಎಂಬ ಕೆಲವು ನಿಮಿಷದ ಚಿತ್ರ ಮಾಡಿರುವ ಎರಡನೆ ಪಿಯುಸಿ ಓದುತ್ತಿರುವ ಅಜಯ್‍ಕಾರ್ತಿಕ್ ಮತ್ತು ಜಗ್ಗೇಶ್ ಎರಡನೆ ಮಗ ಯತಿರಾಜ್‍ಜಗ್ಗೇಶ್ ಮುಖ್ಯ ಪಾತ್ರದಲ್ಲಿ ಕಾಣ ಸಿಕೊಂಡಿದ್ದಾರೆ. ಗೆಳಯನಾಗಿ ರೋಹಿತ್ ಉಳಿದಂತೆ ತಂದೆ ಪಾತ್ರದಲ್ಲಿ ಬ್ಯಾಂಕ್‍ಜನಾರ್ಧನ್, ಖಳನಾಗಿ ಅಪ್ಪುವೆಂಕಟೇಶ್, ಕಿಲ್ಲರ್‍ವೆಂಕಟೇಶ್, ಬಿರಾದಾರ್, ಮೈಕೆಲ್‍ಮಧು, ಸುಚಿತ್ರಾ, ಕಾವ್ಯಪ್ರಕಾಶ್, ಅನ್ನಪೂರ್ಣ, ಗಿರೀಶ್ ಮುಂತಾದವರ ನಟನೆ ಇದೆ. ಮೋನಿಕಾ, ಅನುಷಾ, ಸೋನುಪಾಟೀಲ್ ನಾಯಕಿಯರು. ಅಕ್ಷತೆ ನಿರ್ದೇಶಿಸಿರುವ ರಾಜುದೇವಸಂದ್ರ ಸಂಭಾಷಣೆ ಜೊತೆಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಛಾಯಗ್ರಹಣ ಹಾಲೇಶ್, ಸಂಕಲನ ಕುಮಾರ್ ಅವರದಾಗಿದೆ. ಹರೆರಾಮ ಹರೇ ಕೃಷ್ಣ ನಿರ್ಮಾಣ ಮಾಡಿದ್ದ ಮೈಸೂರಿನ ಕಂಟ್ರಾಕ್ಟರ್ ಶಿವಕುಮಾರ್.ಕೆ. ಮಗ ಅಜಯ್‍ಕಾರ್ತಿಕ್ ಸಿನಿಮಾಸೆಳೆತವನ್ನು ಗಮನಿಸಿ ಅವನ ಆಸೆಯಂತೆ ಕತೆ ಬರೆದು ಶ್ರೀ ಲಕ್ಷೀ ವೆಂಕಟೇಶ್ವರ ಸಿನಿಮಾಸ್ ಹುಟ್ಟು ಹಾಕಿ ಚಿತ್ರಕ್ಕೆ ಹಣ ಹೂಡಿದ್ದಾರೆ. ಹುಡುಗರ ತುಂಟಾಟವನ್ನು ಮುಂದಿನ ತಿಂಗಳು ನೋಡಬಹುದು.
ಸಿನಿ ಸರ್ಕಲ್.ಇನ್ ನ್ಯೂಸ್
8/03/18








For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore