HOME
CINEMA NEWS
GALLERY
TV NEWS
REVIEWS
CONTACT US
ಸ್ಯಾಂಡಲ್‍ವುಡ್ ಕಾರ್ಯಕ್ರಮದಲ್ಲಿ ಟಾಲಿವುಡ್ ಸಮ್ಮೋಹಿನಿ
ನಾಲ್ಕು ಸುದ್ದಿಗೋಷ್ಟಿಗಳನ್ನು ಮುಗಿಸಿಕೊಂಡು ‘ಚಮಕ್’ ಚಿತ್ರದ ಹಾಡುಗಳ ಅನಾವರಣ ಕಾರ್ಯಕ್ರಮಕ್ಕೆ ದೂರದ ಸ್ಥಳಕ್ಕೆ ತಲುಪುವಲ್ಲಿಗೆ ಪತ್ರಕರ್ತರು ಹೈರಾಣಾಗಿದ್ದರು. ಜೀವನದಲ್ಲಿ ಯಾರಿಗೂ ಚಮಕ್ ಮಾಡಿಲ್ಲ. ಗಣೇಶ್‍ರಿಗೆ ಕತೆಯನ್ನು ಹೇಳಿದಾಗ ಚಮಕ್ ಚಮಕ್ ತಿರುವುಗಳು ಇರುವುದರಿಂದ ಇದನ್ನೆ ಇಡಬಹುದು ಅಂತ ಸಲಹೆ ನೀಡಿದರು. ಗೈನಾಲಾಜಿಸ್ಟ್ ವೈದ್ಯನಾಗಿ ಮಾತಾಡೋ ಶ್ರೀರಾಮನಾಗಿ ಕಾಣ ಸಿಕೊಂಡಿದ್ದಾರೆ. ಐದು ಸಾಹಿತಿಗಳಿಗೆ ಅವಕಾಶ ಮಾಡಿಕೊಡಲಾಗಿದೆ ಎಂದು ಎಲ್ಲರನ್ನು ಪರಿಚಯಿಸಿದರು ನಿರ್ದೇಶಕ ಸುನಿ. ಹೆಜ್ಜೆ ಹಾಕುತ್ತಾ ವೇದಿಕೆಗೆ ಆಗಮಿಸಿದ ಗಣೇಶ್ ಇಲ್ಲಿಯವರೆವಿಗೂ ಮಳೆ ಯಾವಾಗ ನೋಡ್ತೀರಾ ಅಂತ ಕೇಳುತ್ತಿದ್ದರು. ಈಗ ಲೈಟ್ ಯಾವಾಗ ಆಫ್ ಮಾಡ್ತಿರಾ ಎಂದು ಕೇಳುತ್ತಾರೆ. ಕಾಮಿಡಿ ಟೈಮ್ 1000 ಕಂತುಗಳಲ್ಲಿ ಸಾಕಷ್ಟು ಜನರಿಗೆ ಚಮಕ್ ಮಾಡಿದ್ದೇನೆ. ಹರೆ ಹರೆ ಇಷ್ಟದ ಹಾಡು ಎಂದರು. ಕಿರಿಕ್ ಹೇಗಿದೆಯೋ ಅದೇ ರೀತಿ ಚಿತ್ರ ಇರಲಿದೆ. ಹೊಸ ಪ್ರಯತ್ನ ನೋಡಿ ಹರಿಸಿ ಎಂದು ಹುಸಿನಗೆ ಬೀಸುತ್ತಾ ಹೇಳಿದ್ದು ನಾಯಕಿ ರಶ್ಮಿಕಾಮಂದಣ್ಣಾ.

ನಂತರ ತೆಲುಗು ನವನಟ ವಿಜಯ್ ದೇವಕೊಂಡ ವೇದಿಕಗೆ ಬಂದಾಗ ಕಾರ್ಯಕ್ರಮಕ್ಕೆ ಮೆರುಗು ಬಂತು. ಅವರು ಒಂದು ವಿಡಿಯೋ ಹಾಡನ್ನು ಅನಾವರಣಗೊಳಿಸಿ ಭಾರತದ ಕ್ರಿಕೆಟ್ ತಂಡದಲ್ಲಿ ಕರ್ನಾಟಕದವರು ಹೆಚ್ಚಿಗೆ ಇದ್ದರು. ರಜನಿಕಾಂತ್, ಐಶ್ವರ್ಯರಾಯ್, ಅನುಷ್ಕಾಶೆಟ್ಟಿ ಇವರೆಲ್ಲರೂ ಇಲ್ಲಿನವರೆ ಆಗಿರುವುದು ಖುಷಿ ನೀಡಿದೆ. ಮಫ್ತಿ ಟ್ರೈಲರ್ ನೋಡಿದಾಗ ಇಂತಹುದೆ ಪಾತ್ರ ಮಾಡಬೇಕಂಬ ಬಯಕೆ ಇದೆ. ಮುಂಗಾರು ಮಳೆ ಡಿಸೆಂಬರ್ 29ರಂದು ತೆರೆಕಂಡಿರುವುದಾಗಿ ಕೇಳಿದ್ದೇನೆ. ಇದು ಸಹ ಅದೇ ದಿನಾಂಕದಂದು ಬಿಡುಗಡೆಯಾಗಲಿದೆ ತಂಡಕ್ಕೆ ಒಳ್ಳೆಯದಾಗಲಿ ಎಂದಾಗ ಶಿಳ್ಳೆ, ಜೈಕಾರ ಕೇಳಿಬಂತು. ಸಂಗೀತ ನಿರ್ದೇಶಕ ಜ್ಯೂಡೋಸ್ಯಾಂಡಿ ಲೈವ್ ಆಗಿ ಒಂದು ಹಾಡನ್ನು ಪ್ರದರ್ಶಸಿದರೆ, ಪ್ರತಿಭೆ ದೀಪಾನಾಯ್ಡು ಬೆಲ್ಲಿ ನೃತ್ಯ ಮನಮೋಹಕವಾಗಿತ್ತು. ನಿರ್ಮಾಪಕ ಟಿ.ಆರ್.ಚಂದ್ರಶೇಖರ್ ಮಾತನಾಡುವ ಗೋಜಿಗೆ ಹೋಗಲಿಲ್ಲ. ಇದೇ ಸಂದರ್ಭದಲ್ಲಿ ಪದ್ಮಶ್ರೀ ಪುರಸ್ಕ್ರತೆ ಸುಪ್ರಿಅಜ್ಜಿಯನ್ನು ಗೌರವಿಸಲಾಯಿತು.
-05/12/17








For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore