HOME
CINEMA NEWS
GALLERY
TV NEWS
REVIEWS
CONTACT US
ಫೆಬ್ರವರಿ ಒಂದರಂದು ಅನುಕ್ತ
ಹೊಸಬರೇ ಸೇರಿಕೊಂಡು ಸಿದ್ದಪಡಿಸಿರುವ ‘ಅನುಕ್ತ’ ಚಿತ್ರವು ತೆರೆಗೆ ಬರಲು ಕಾರ್ಯನಿರತವಾಗಿದೆ. ಹೇಳದಂತ ಎನ್ನುವುದು ಶೀರ್ಷಿಕೆಗೆ ಅರ್ಥ ಕೊಡುತ್ತದೆ. ಒಂದು ಕನಸು ಬಿದ್ದರೆ ಅದರರ್ಥ ಏನು, ಯಾಕೆ ಎಂದು ನೆನಪಿಸಿಕೊಳ್ಳ್ಳಬೇಕಾಗಿದೆ. ಕರಾವಳಿಯ ಧಾರ್ಮಿಕ ಹಾಗೂ ಸಾಂಸ್ಕ್ರತಿಕ ಹಿನ್ನಲೆಯ ಜೊತೆ ಕುತೂಹಲ, ಥ್ರಿಲ್ಲರ್‍ನ್ನು ಪತ್ತೆದಾರಿ ಮಾದರಿಯಲ್ಲಿ ತೋರಿಸುವ ಪ್ರಯತ್ನ ಮಾಡಿದ್ದಾರೆ. ಅಶ್ವಥ್‍ಸ್ಯಾಮುಯಲ್ ಚಿತ್ರಕತೆ ರಚಿಸಿ ಆಕ್ಷನ್ ಕಟ್ ಹೇಳಿದ್ದಾರೆ. ಬ್ರಹ್ಮಾವರದಲ್ಲಿರುವ 500 ವರ್ಷದ ಪುರಾತನ ಮನೆ, ಕರಾವಳಿಯ ಸುಂದರತಾಣಗಳು ಮತ್ತು ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ನಾಲ್ಕು ಹಾಡುಗಳಿಗೆ ನೋಬಿನ್‍ಪೌಲ್ ಸಂಗೀತ , ಸಂತೋಷ್‍ಕುಮಾರ್‍ಕೊಂಚಾಡಿ-ಕಾರ್ತಿಕ್‍ಅತ್ತಾವರ್ ಕತೆಗೆ ನವೀನ್‍ಶರ್ಮಾ ಮತ್ತು ಕಿರಣ್‍ಶೆಟ್ಟಿ ಮಾತುಗಳನ್ನು ಪೋಣಿಸಿದ್ದಾರೆ.
ನಾಯಕನಾಗಿ ಸಂತೋಷ್‍ಕುಮಾರ್‍ಕೊಂಚಾಡಿ, ಮತ್ತೋಂದು ಮುಖ್ಯ ಪಾತ್ರದಲ್ಲಿ ಕಾಲಿವುಡ್, ಟಾಲಿವುಡ್‍ನಲ್ಲಿ ಹೆಸರು ಮಾಡಿರುವ ಕರ್ನಾಟಕದ ಸಂಪತ್‍ರಾಜ್ ನಟನೆ ಇದೆ. ತಾರಬಳಗದಲ್ಲಿ ಸಂಗೀತಾಭಟ್, ಅನುಪ್ರಭಾಕರ್, ಶ್ರೀಧರ್, ಉಷಾಭಂಡಾರಿ, ಚಿದಾನಂದಪೂಜಾರಿ, ಅನಿಲ್ ನೀನಾಸಂ, ರಮೇಶ್‍ರೈ ಅಭಿನಯಿಸಿದ್ದಾರೆ. ಛಾಯಗ್ರಹಣ ಮನೋಹರ್‍ಜೋಷಿ, ಸಂಕಲನ ಎನ್.ಎಂ.ವಿಶ್ವ ಅವರದಾಗಿದೆ. ಉಡುಪಿಯ ಶ್ರೀಹರಿಬಂಗೇರ ನಿರ್ಮಾಪಕರಾಗಿ ಮೊದಲ ಅನುಭವ. ತೆಲುಗು ಮತ್ತು ಹಿಂದಿಗೆ ಡಬ್ಬಿಂಗ್ ಹಕ್ಕುಗಳು ಮಾರಾಟವಾಗಿದ್ದು, ಮಲೆಯಾಳಂದಲ್ಲಿ ರಿಮೇಕ್ ಮಾಡಲು ಬೇಡಿಕೆ ಬಂದಿದೆಯಂತೆ. ವಿತರಕ ಜಿ.ಕೆ.ಗಂಗಾಧರ್ ಮೂಲಕ ಸಿನಿಮಾವು ರಾಜ್ಯದ್ಯಂತ ಬಿಡುಗಡೆಯಾಗಲಿದೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
13/01/19



ಅನುಕ್ತ ಹಾಡುಗಳನ್ನು ಬಿಡುಗಡೆ ಮಾಡಿದ ದರ್ಶನ್
ಹೊಸಬರ ಚಿತ್ರಕ್ಕೆ ಪ್ರೋತ್ಸಾಹ ಕೊಡುತ್ತಿರುವ ದರ್ಶನ್ ‘ಅನುಕ್ತ’ ಚಿತ್ರದ ಧ್ವನಿಸಾಂದ್ರಿಕೆಯನ್ನು ಅನಾವರಣಗೊಳಿಸಲು ಆಗಮಿಸಿದ್ದರು. ಚಿತ್ರತಂಡವು ದಕ್ಷ್ಷಿಣ ಕನ್ನಡದವರಾಗಿದ್ದರಿಂದ ಮಂಗಳೂರಿನ ಹುಲಿ ನೃತ್ಯ ತಂಡವು ಬಾಕ್ಸ್ ಆಫೀಸ್ ಸುಲ್ತಾನ್‍ರನ್ನು ಬರಮಾಡಿ ಕೊಂಡರು. ಮೈಕ್ ತೆಗೆದುಕೊಂಡ ದರ್ಶನ್ ಹೇಳಲಾಗದಕ್ಕೆ ಶೀರ್ಷಿಕೆ ಅರ್ಥ ಕೊಡುತ್ತದೆಂದು ಹೇಳಿದ್ದಾರೆ. ಪ್ರೋಮೋ, ಹಾಡು ನೋಡಿದರೆ ಇದೊಂದು ವಿಭಿನ್ನ ಚಿತ್ರವೆಂದು ತಿಳಿಯುತ್ತದೆ. ಈಗ ನಮ್ಮಲ್ಲೂ ಹೊಸರೀತಿಯ ತಂತ್ಜಜ್ಘರು ಬರುತ್ತಿರುವುದು ಆರೋಗ್ಯಕರ ಬೆಳವಣಿಗೆಯಾಗಿದೆ. ಉತ್ತಮ ಕತೆ ಬಯಸುವವರು ತಮಿಳು, ಹಾಡು, ಫೈಟ್ ಇಷ್ಟಪಡುವವರು ತೆಲುಗು, ವಿದೇಶ ಸ್ಥಳಗಳನ್ನು ನೋಡುವವರು ಹಿಂದಿ ಸಿನಿಮಾಕ್ಕೆ ಹೋಗುತ್ತಾರೆ. ಈಗಿನ ಟ್ರೆಂಡ್‍ಗೆ ತಕ್ಕಂತೆ ಚಿತ್ರ ಇದೆ ನೋಡುವಾ ಅಂತ ಹೋಗುವುದು ಕನ್ನಡ ಸಿನಿಮಾಕ್ಕೆ. ಅಂತಹ ಪರಿಸ್ಥಿತಿ ನಮಗೆ ಬಂದಿದೆ. ಆ ತರಹದ ಚಿತ್ರಗಳು ಬರುತ್ತಿರುವುದಕ್ಕೆ ಬೇರೆ ಭಾಷೆಯ ಜನರು ಇತ್ತ ಕಡೆ ಗಮನ ಹರಿಸುತ್ತಿದ್ದಾರೆ. ನಿರ್ಮಾಪಕರಿಗೆ ಒಳ್ಳೆಯದಾಗಲಿ ಎಂದರು.

ಮೂರು ತಿಂಗಳ ಮಗಳನ್ನು ಬಿಟ್ಟು ಬಂದಿರುವೆ ಎಂದರೆ ಅದಕ್ಕೆ ಚಿತ್ರತಂಡದ ಮೇಲಿರುವ ಅಭಿಮಾನ. ಒಳ್ಳೆ ತಂಡದಲ್ಲಿ ಭಾಗಿಯಾಗಿದ್ದೆನೆಂಬ ನೆಮ್ಮದಿ, ಅದರಲ್ಲೂ ನಮ್ಮ ಕಲಾವಿದರ ಸಂಘದಲ್ಲಿ ಹಾಡುಗಳು ಹೊರಬಂದಿರುವುದು ಖುಷಿ ತಂದಿದೆ ಅಂತಾರೆ ಅನುಪ್ರಭಾಕರ್.

ನಾಯಕ ಕಾರ್ತಿಕ್‍ಅತ್ತಾವರ್ ಬರೆದ ಕತೆಯನ್ನು ಹೇಳಿದಾಗ, ನಿಜಕ್ಕೂ ಇದನ್ನು ತೆರೆ ಮೇಲೆ ತರಲು ಸಾದ್ಯಾನ ಎಂಬ ಪ್ರಶ್ನೆ ಕಾಡಿತು. 38 ದಿನಗಳಿಗೆ ಯೋಜನೆ ಹಾಕಲಾಗಿ, 36 ದಿವಸಕ್ಕೆ ಮುಗಿಸಿರುತ್ತ್ತಾರೆ. ಪೂರ್ವನಿಯೋಜತ ಕಾರ್ಯಕ್ರಮ ಹಾಕಿಕೊಂಡಿದ್ದು ಇದಕ್ಕೆ ಕಾರಣವಾಗಿದೆ. ಹಿಂದಿನ ಚಿತ್ರದಲ್ಲಿ ಅನುಉಪ್ರಭಾಕರ್ ಅವರಿಗೆ ಅಪ್ಪನಾಗಿ ನಟಿಸಿದ್ದು, ಬಡ್ತಿ ಹೊಂದಿದಂತೆ ಇದರಲ್ಲಿ ಅವರ ಪತಿಯಾಗಿ ನಟಿಸಿದ್ದೇನೆಂದು ಸಂಪತ್‍ರಾಜ್ ನಕ್ಕರು.
ನಿರ್ಮಾಪಕ ಹರೀಶ್‍ಬಂಗೇರ, ನಿರ್ದೇಶಕ ಅಶ್ವತ್‍ಸ್ಯಾಮುವೆಲ್, ಸಂಗೀತ ನಿರ್ದೇಶಕ ನೊಬಿಲ್‍ಪಾಲು ಇತರರು ಪೆನ್‍ಡ್ರೈವ್ ಬಿಡುಗಡೆಗೆ ಸಾಕ್ಷಿಯಾಗಿದ್ದರು.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
21/11/18





ಎರಡು ಬಾರಿ ಚಿತ್ರೀಕರಣಗೊಂಡ ಕ್ಲೈಮಾಕ್ಸ್
ಒಂದಷ್ಟು ರಹಸ್ಯಗಳು ಬಿಟ್ಟು ಕೊಳ್ತಿವೆ. ಅದರಲ್ಲಿ ಯಾವುದು ಸತ್ಯ, ಸುಳ್ಳು ಗೊತ್ತಿಲ್ಲವೆಂದು ಸಂಭಾಷಣೆ ಬರುವ ‘ಅನುಕ್ತ’ ಚಿತ್ರದ ಟೀಸರ್ ಇತ್ತೀಚೆಗೆ ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ಅನಾವರಣಗೊಂಡಿತು. ಕತೆಯು ಮಂಗಳೂರು ಪರಿಸರದಲ್ಲಿ ನಡೆಯಲಿರುವುದರಿಂದ ಅಲ್ಲಿನ ವಾದ್ಯಗಳನ್ನು ಹೆಚ್ಚಾಗಿ ಬಳಸಲಾಗಿದೆ ಎಂಬುದಾಗಿ ಸಂಗೀತ ನಿರ್ದೇಶಕ ನೊಬಿಲ್‍ಪೌಲ್ ಹೇಳಿದರು. ಮೊದಲಬಾರಿ ಥ್ರಿಲ್ಲರ್ ಚಿತ್ರಕ್ಕೆ ಸಂಕಲನ ಮಾಡಿರುವುದು ಹೊಸ ಅನುಭವ ಅಂತಾರೆ ಎನ್.ಎಂ.ವಿಶ್ವ. ಬೆಂಗಳೂರು-ಮಂಗಳೂರು ಎರಡು ಭಾಷೆಯನ್ನು ಒಟ್ಟುಗೊಡಿಸಲಾಗಿದೆ ಎಂದು ಸಂಭಾಷಣೆಗಾರ ನವೀನ್‍ಶರ್ಮ ಮಾಹಿತಿ ನೀಡಿದರು. ಕ್ರೈಮ್ ಬ್ರಾಂಚ್ ಅಧಿಕಾರಿಯಾಗಿ ಯಾವ ರೀತಿ ನಿಭಾಯಿಸುತ್ತೇನೆಂದು ಸಿನಿಮಾ ನೋಡಿ ಎಂದಷ್ಟೇ ಹೇಳಿದ್ದು ನಾಯಕ ಕಾರ್ತಿಕ್‍ಅತ್ತಾವರ್, ಜೊತೆಗೆ ಕತೆಯಲ್ಲಿ ಇವರ ಪಾಲು ಇದೆ.

ತೆಲುಗು, ತಮಿಳುದಲ್ಲಿ ಹೆಚ್ಚು ಬ್ಯುಸಿ ಇರುವ ಕನ್ನಡಿಗ ಸಂಪತ್‍ರಾಜ್ ಗ್ಯಾಪ್ ನಂತರ ಚಿತ್ರದಲ್ಲಿ ವಿನೂತನ ಪಾತ್ರದಲ್ಲಿ ನಟಿಸಿದ್ದು, ಅವರು ಅನುಕ್ತ ಕುರಿತ ಮಾತುಗಳು ಹೀಗಿತ್ತು: ನಿರ್ದೇಶಕರು ಹೇಳಿದ ಒಂದು ಏಳೆಯ ಕತೆ ಹಿಡಿಸಿತು. ಅಂದುಕೊಂಡಂತೆ ಕ್ಲೈಮಾಕ್ಸ್ ಇದ್ದರೆ ಕಾಲ್‍ಶೀಟ್ ಕೊಡುವುದು ಬೇಡ ಅಂತ ನಿರ್ಧರಿಸಲಾಗಿತ್ತು. ಎರಡನೆ ಬಾರಿ ಬಂದಾಗ ಬೇರೆ ರೀತಿಯ ದೃಶ್ಯ ವಿವರಿಸಿದ್ದು ಚೆನ್ನಾಗಿತ್ತು. ಕೊನೆ ಭಾಗವು ಸರಿಯಾಗಿ ಬಂದಿಲ್ಲೆವೆಂದು ಕಾಡಿತು. ನಂತರ ನಿರ್ದೇಶಕರಿಗೆ ಮನವರಿಕೆ ಮಾಡಿದಂತೆ, ಎರಡನೆ ಬಾರಿ ನಟಿಸಿದ್ದು, ಅದ್ಬುತವಾಗಿ ಬಂದಿದೆ. ಆ ದೃಶ್ಯವು ಇಡೀ ಚಿತ್ರಕ್ಕೆ ಕಳಸ ಇಟ್ಟಂತೆ ಆಗಿದೆ. ನೋಡುಗರು ಇದೇ ಆಗುತ್ತದೆಂದು ಯೋಚಿಸಿದರೆ, ಬೇರೆ ಯಾಗಿರುತ್ತದೆ. ಮುಂದೆ ಸನ್ನಿವೇಶವು ಇಲ್ಲೆ ಇರುತ್ತದೆಂದು ಹೇಳಿದರೆ, ಬೇರೆ ಕಡೆಗೆ ತಗೆದುಕೊಂಡು ಹೋಗುತ್ತದೆ. ಪ್ರತಿ ದೃಶ್ಯವನ್ನು ಏನು , ಎಷ್ಟು ಬೇಕೋ ಅಷ್ಟನ್ನು ಮಾತ್ರ ತೆಗೆದಿದ್ದಾರೆ. ತಂಡವು ಮುಂಚಿತವಾಗಿ ಪಕ್ಕಾ ಯೋಜನೆ ಹಾಕಿಕೊಂಡಿದ್ದರಿಂದಲೇ ಇದೆಲ್ಲಾವು ಸಾಧ್ಯವಾಗಿದೆ ಅಂತ ತಂತ್ರಜ್ಘರನ್ನು ಹೊಗಳಿದರು.

32 ದಿವಸ ಚಿತ್ರೀಕರಣವನ್ನು ಬ್ರಹ್ಮಾವರದಲ್ಲಿರುವ 500 ವರ್ಷದ ಪುರಾತನ ಮನೆ, ಕರಾವಳಿಯ ಸುಂದರತಾಣಗಳು ಮತ್ತು ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಸಂಪತ್‍ರಾಜ್ ಸಹಕಾರದಿಂದಲೇ ಎಲ್ಲವು ನಡೆಯಿತು ಎಂದು ನಿರ್ದೇಶಕ ಅಶ್ವತ್‍ಸ್ಯಾಮುಯೆಲ್ ತಿಳಿಸಿದರು. ಸಂತೋಷ್‍ಕುಮಾರ್, ಕಾರ್ತಿಕ್ ಕತೆಯೆಂಬ ಸಣ್ಣಗಿಡವನ್ನು ತಂದಾಗ, ಅದಕ್ಕೆ ನೀರು ಹಾಕಿ ಮರವಾಗುವಂತೆ ಮಾಡಿದ್ದು ನಿರ್ದೇಶಕರು. ಅದಕ್ಕೆ ಫಲ ನೀಡಿದ್ದು ಕಲಾವಿದರು. ಈಗ ಹಣ್ಣಾಗಿದೆ. ಅದನ್ನು ಸಮಾಜದವರು ಅಂದರೆ ಪ್ರೇಕ್ಷಕರು ತಿಂದು ರುಚಿಯನ್ನು ಹೇಳಬೇಕೆಂದು ನಿರ್ಮಾಪಕ ಹರೀಶ್‍ಬಂಗೇರ ಕೋರಿದರು. ಸಿದ್ಲುಂಗುಶ್ರೀಧರ್, ಸಂಗೀತಭಟ್, ಅನುಪ್ರಭಾಕರ್ ನಟಿಸಿರುವ ಚಿತ್ರವು ಮುಂದಿನ ತಿಂಗಳು ಬಿಡೆಗಡೆಯಾಗುವ ಸಾದ್ಯತೆ ಇದೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
17/09/18








ಅಪರಾಧ ಕುರಿತ ಅನುಕ್ತ
ಹೊಸಬರೇ ಸೇರಿಕೊಂಡು ಸಿದ್ದಪಡಿಸಿರುವ ‘ಅನುಕ್ತ’ ಚಿತ್ರವು ತೆರೆಗೆ ಬರಲು ಕಾರ್ಯನಿರತವಾಗಿದೆ. ಹೇಳದಂತ ಎನ್ನುವುದು ಶೀರ್ಷಿಕೆಗೆ ಅರ್ಥ ಕೊಡುತ್ತದೆ. ಒಂದು ಕನಸು ಬಿದ್ದರೆ ಅದರರ್ಥ ಏನು, ಯಾಕೆ ಎಂದು ನೆನಪಿಸಿಕೊಳ್ಳ್ಳಬೇಕಾಗಿದೆ. ಕರಾವಳಿಯ ಧಾರ್ಮಿಕ ಹಾಗೂ ಸಾಂಸ್ಕ್ರತಿಕ ಹಿನ್ನಲೆಯ ಜೊತೆ ಕುತೂಹಲ, ಥ್ರಿಲ್ಲರ್‍ನ್ನು ಪತ್ತೆದಾರಿ ಮಾದರಿಯಲ್ಲಿ ತೋರಿಸುವ ಪ್ರಯತ್ನ ಮಾಡಿದ್ದಾರೆ. ಬಾಂಬೆಯ ಸೋನಿ ವಾಹಿನಿಯಲ್ಲಿ ಸಂಕಲನ, ನಿರ್ದೇಶನ ನಂತರ ದುಬೈದಲ್ಲಿ ಎಂಟು ವರ್ಷ ಸೇವೆ ಸಲ್ಲಿಸಿರುವ ಕನ್ನಡಿಗ ಅಶ್ವಥ್‍ಸ್ಯಾಮುಯಲ್ ಚಿತ್ರಕತೆ ರಚಿಸಿ ಆಕ್ಷನ್ ಕಟ್ ಹೇಳಿದ್ದಾರೆ. ಬ್ರಹ್ಮಾವರದಲ್ಲಿರುವ 500 ವರ್ಷದ ಪುರಾತನ ಮನೆ, ಕರಾವಳಿಯ ಸುಂದರತಾಣಗಳು ಮತ್ತು ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ನಾಲ್ಕು ಹಾಡುಗಳಿಗೆ ನೋಬಿನ್‍ಪೌಲ್ ಸಂಗೀತ , ಸಂತೋಷ್‍ಕುಮಾರ್‍ಕೊಂಚಾಡಿ-ಕಾರ್ತಿಕ್‍ಅತ್ತಾವರ್ ಕತೆಗೆ ನವೀನ್‍ಶರ್ಮಾ ಮತ್ತು ಕಿರಣ್‍ಶೆಟ್ಟಿ ಮಾತುಗಳನ್ನು ಪೋಣಿಸಿದ್ದಾರೆ.

ನಾಯಕನಾಗಿ ಸಂತೋಷ್‍ಕುಮಾರ್‍ಕೊಂಚಾಡಿ, ಮತ್ತೋಂದು ಮುಖ್ಯ ಪಾತ್ರದಲ್ಲಿ ಕಾಲಿವುಡ್, ಟಾಲಿವುಡ್‍ನಲ್ಲಿ ಹೆಸರು ಮಾಡಿರುವ ಕರ್ನಾಟಕದ ಸಂಪತ್‍ರಾಜ್ ನಟನೆ ಇದೆ. ತಾರಬಳಗದಲ್ಲಿ ಸಂಗೀತಾಭಟ್, ಅನುಪ್ರಭಾಕರ್, ಶ್ರೀಧರ್, ಉಷಾಭಂಡಾರಿ, ಚಿದಾನಂದಪೂಜಾರಿ, ಅನಿಲ್ ನೀನಾಸಂ, ರಮೇಶ್‍ರೈ ಅಭಿನಯಿಸಿದ್ದಾರೆ. ಛಾಯಗ್ರಹಣ ಮನೋಹರ್‍ಜೋಷಿ, ಸಂಕಲನ ಎನ್.ಎಂ.ವಿಶ್ವ ಅವರದಾಗಿದೆ. ಉಡುಪಿಯ ನಿರ್ಮಾಪಕರಾದ ಶ್ರೀಹರಿಬಂಗೇರ ಸದ್ಯ ದುಬೈದಲ್ಲಿ ನೆಲಸಿದ್ದು, 1.71 ಲಕ್ಷ ಕನ್ನಡಿಗರು ಇರುವುದರಿಂದ ಅಲ್ಲಿಯೇ ಧ್ವನಿಸಾಂದ್ರಿಕೆಯನ್ನು ಬಿಡುಗಡೆ ಮಾಡಲು ಚಿಂತನೆ ನಡೆಸಿದ್ದಾರೆ. ಮುಂದಿನ ದಿನಗಳಲ್ಲಿ ಚಿತ್ರದ ಟ್ರೈಲರ್‍ನ್ನು ಲೋಕಾರ್ಪಣೆ ಮಾಡಲು ಸಿದ್ದತೆಗಳನ್ನು ತಂಡವು ಮಾಡಿಕೊಂಡಿದೆ.
ಚಿತ್ರಗಳು: ಕೆ.ಎನ್.ನಾಗೇಶ್‍ಕುಮಾರ್
ಸಿನಿ ಸರ್ಕಲ್.ಇನ್ ನ್ಯೂಸ್
8/09/18


For advertisements contact editor
K N Nagesh Kumar, Photo Journalist
Website Desined by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore