HOME
CINEMA NEWS
GALLERY
TV NEWS
REVIEWS
CONTACT US

ನೆನಪುಗಳ ಮಾತು ಮಧುರ ಮೌನ ಭಾರ!
ಕಾರ್ಮಿಕರ ದಿನಾಚರಣೆ ಮೇ 1 ರಂದೇ ಬಿಡುಗಡೆ ಆಗಿರುವ ‘99’ ಕನ್ನಡ ಸಿನಿಮಾ ಮಕ್ಕಿ ಕ ಮಕ್ಕಿ, ಫ್ರೇಮ್ ಟು ಫ್ರೇಮ್ ತಮಿಳು ಸಿನಿಮಾ ‘96’ ಚಿತ್ರದ ಅವತರಿಣಿಕೆ. ಇಲ್ಲಿ ಹೆಸರಿನಿಂದ ಹಿಡಿದು ಎಲ್ಲವೂ ನಕಲು. ಪ್ರತಿ ದೃಷ್ಯವೂ ಹಾಗೆ ಕನ್ನಡದಲ್ಲಿ ತೆರೆಯ ಮೇಲೆ ತರಲಾಗಿದೆ. ಆದರೆ ಭಾವನೆಗಳಿಗೆ ಇಲ್ಲಿ ಹೆಚ್ಚು ಅಂಕ. ಉತ್ಕೃಷ್ಟ ಪ್ರೀತಿ ಅನ್ಯಾಯವಾಗಿ ಜೊತೆ ಸೇರಲಿಲ್ಲವಲ್ಲ ಎಂದು ಪ್ರೇಕ್ಷಕ ಅನ್ನುಕೊಳ್ಳುವಷ್ಟು ಮನಸಿಗೆ ತಟ್ಟುವ ಸಿನಿಮಾ. ಅಯ್ಯೋ ಇವರಿಬ್ಬರು ಒಂದಾರೆ ಚಂದಾ ಎಂದು ದ್ವಿತೀಯಾರ್ದದಲ್ಲಿ ಅಂದುಕೊಳ್ಳುವಷ್ಟು 20 ವರ್ಷದ ನಂತರ ಬೇಟಿ ಆದ ರಾಮಚಂದ್ರ ಹಾಗೂ ಜಾನು ಪಾತ್ರ ಪೋಷಣೆ ಆಗಿದೆ. ಆದರೆ ಅತಿ ಉತ್ತುಂಗದಲ್ಲಿ ಇರುವುದು ನೆನಪು. ರಾಮಚಂದ್ರ ನಿಜವಾದ ಅರ್ಥದಲ್ಲಿ ಶ್ರೀ ರಾಮಚಂದ್ರನ ಹಾಗೆ. ಜಾನು ಸಹ ಇಂದಿನ ಜಗತ್ತಿನ ಹುಡುಗಿ ಆಗಿ ಸಿಂಗಪೋರ್ ಅಲ್ಲಿ ನೆಲೆಸಿದ್ದರು ಎಲ್ಲು ತನ್ನ ಮನಸಿನ ಹತೋಟಿ ತಪ್ಪುವುದಿಲ್ಲ. ಚಿತ್ರದ ಮೊದಲಾರ್ಧ ಪ್ರೇಕ್ಷಕ ಸಹಕರಿಸಬೇಕು. ದಾಡಿ ಬಿಟ್ಟಿರುವ ರಾಮಚಂದ್ರ ಹೆಚ್ಚು ಮಾತಿಲ್ಲ. ಮಾತಿನ ಮಲ್ಲ ಗಣೇಶ್ ಸಿಕ್ಕುವುದು ಎರಡನೇ ಬಾಗದಲ್ಲೂ ಕಡಿಮೆಯೇ. ಗಣೇಶ್ ಒಂದು ರೀತಿಯಲ್ಲಿ ತ್ಯಾಗರಾಜ! ತನ್ನ ಪ್ರೀತಿಯನ್ನು ಬಚ್ಚಿಟ್ಟುಕೊಂಡು ಹಾಗೆ ಇದ್ದು ಬಿಡುತ್ತಾನೆ. 20 ವರ್ಷದ ನಂತರ ಇಬ್ಬರು ಒಂದು ರಾತ್ರಿಯಲ್ಲಿ ತಮ್ಮ ಜೀವನದ ಪಯಣವನ್ನು ಒಬ್ಬರಿಗೊಬ್ಬರು ಒಪ್ಪಿಸಿಕೊಳ್ಳುತ್ತಾರೆ.

‘99’ ಚಿತ್ರದ ಜೀವಾಳವೆ ರಾಮಚಂದ್ರ ಹಾಗೂ ಜಾನು ಅವರ ಮಾತು ಕಥೆ. ಶಾಲಾ ದಿನಗಳಲ್ಲಿ ರಾಮಚಂದ್ರ ಅಚಾನಕ್ ಆಗಿ ಕಾಣೆಯಾದಾಗ ಹೆಚ್ಚು ವ್ಯಥೆ ಆಗುವುದು ಜಾನುಗೆ. ವಿದಿಯಿಲ್ಲದೆ ಜಾನು ಕಾಲೇಜಿಗೆ ಬೇರೆ ಕಡೆ ಹೊರಟಾಗ ರಾಮಚಂದ್ರ ಸುಮ್ಮನೆ ಇದ್ದುಬಿಡಲ್ಲ. ಅವಳ ಪ್ರತಿಯೊಂದು ಹೆಜ್ಜೆಯನ್ನು ಗಮನಿಸಿರುತ್ತಾನೆ. ಆದರೆ ಒಂದು ಕಂಫ್ಯೂಶನ್ ಇಬ್ಬರನ್ನು ದೂರ ಮಾಡಿಬಿಡುತ್ತದೆ. ಜಾನು ಆನಂತರ ಮದುವೆ ಆದಾಗಲು ರಾಮಚಂದ್ರ ಮದುವೆ ಮಂಟಪ್ಪಕ್ಕೆ ಬಂದಿರುತ್ತಾನೆ. ಆದರೆ ಇಬ್ಬರಿಗೆ 20 ವರ್ಷದ ಬಳಿಕ ಕೈ ಮೀರಿದ ಪರಿಸ್ಥಿತಿ. ಇಬ್ಬರು ತಮ್ಮ ಪ್ರೀತಿಯನ್ನು ಗುಟ್ಟಾಗಿ ಇಟ್ಟುಕೊಂಡು ವೇದನೆ ಅನುಭವಿಸಿ ಸಾಗುವುದು. ಇಂದಿನ ವ್ಹಾಟ್ಸ್ ಅಪ್ಪ್ ಬಳಕೆ ಇಲ್ಲಿ 20 ವರ್ಷದ ಸ್ಕೂಲ್ ಗೆಳೆಯರನ್ನು ಒಂದು ಮಾಡುತ್ತದೆ. ಅಲ್ಲಿ ಜಾನು ಹಾಗೂ ರಾಮಚಂದ್ರ ಬೇಟಿ ಹಾಗೂ ಮಧುರ ನೆನಪುಗಳು, ಕಠಿಣ ಸಂದರ್ಭಗಳು ಬಿಚ್ಚಿಕೊಳ್ಳುತ್ತ ಹೋಗುತ್ತದೆ. ರಾಮಚಂದ್ರ ಹಾಗೂ ಜಾನು ಕಾರಿನಲ್ಲಿ ಪ್ರಯಾಣ ಮಾಡಿ ಬೆಳಗಿನ ಜಾವ ಜಾನು ಸಿಂಗಪೋರ್ ಹೋಗುವ ವರೆಗೂ ಇವರ 20 ವರ್ಷದ ನೆನಪುಗಳ ಸರಮಾಲೆ, ಆದ ತಪ್ಪುಗಳ ಜೊತೆಗೆ ಬಹಿರಂಗ ಆಗುತ್ತದೆ.

‘99’ ಅಂದು ಹಾಗೂ ಇಂದು ಬಹಳಷ್ಟು ಸಾರಿ ಟ್ರಾವೆಲ್ ಮಾಡಿ ಪ್ರೇಕ್ಷಕರ ಮನಸಿನಲ್ಲಿ ಇದ್ದ ಪ್ರಶ್ನೆಗಳಿಗೆ ಉತ್ತರ ನೀಡುತ್ತದೆ. ಆದರೆ ಜಾನು ಹೊರಡುವ ವೇಳೆ ಸಂಚಾರಿ ಛಾಯಾಗ್ರಾಹಕ ರಾಮಚಂದ್ರ ಅವರ ವಿಧ್ಯಾರ್ಥಿಗಳಿಗೆ ಒಂದು ಕಟ್ಟು ಕಥೆ ಹೇಳಿ,ತಾನೇ ರಾಮಚಂದ್ರನ ಮಡದಿ ಅಂತ ಸಹ ಹೇಳಿಬಿಡುತ್ತಾಳೆ. ಆಮೇಲೆ ಜಾನು ಸಿಂಗಪುರಕ್ಕೆ ಹಾರಿದ್ದಾಯಿತು. ಮುಂದಿನ ದಿನಗಳಲ್ಲಿ ರಾಮಚಂದ್ರನ ಇಮೇಜ್ ಹ್ಯಾಗೆ ಎಂಬುದು ಒಂದು ಪ್ರಶ್ನೆ ಆಗಿ ಉಳಿಯುತ್ತದೆ. ಒಂದು ಹಂತಕ್ಕೆ ರಾಮಚಂದ್ರ ಹಾಗೂ ಜಾನು ಮೇಡ್ ಫಾರ್ ಈಚ್ ಅದರ್ ಅನ್ನುವ ರೀತಿಯಲ್ಲಿ ಮಾತುಕತೆಯಿಂದ ಅಭಿಪ್ರಾಯ ದಕ್ಕುತ್ತದೆ. ಗಣೇಶ್ ಅವರಿಗೆ ಇನ್ನ ಹೆಚ್ಚು ಮಾತು ಇರಬೇಕಿತ್ತು. ಅವರು ಅಂದಿನಿಂದಲೂ ಮಾತುಗಾರ ತೆರೆಯಮೇಲೆ. ಅವರ ದಾಡಿ ಸರಿಯಾಗಿ ಮ್ಯಾಚ್ ಆಗುವುದಿಲ್ಲ. ನಾಯಕಿ ಭಾವನ ಮೆನನ್ ಜಾನು ಪಾತ್ರದಾರಿ ಅವನನ್ನು ಮಧ್ಯರಾತ್ರಿ ಸೆಲೂನ್ ಕರೆದುಕೊಂಡು ಚಂದವಾಗಿ ಕಾಣುವಂತೆ ಮಾಡುವುದು ನಮಗೆ ಸುರಸುಂದರಾಂಗ ಕಾಣಸಿಗುತ್ತಾನೆ.

ನಾಯಕಿ ಭಾವನ ಮೆನನ್ ಅವರು ಪಾತ್ರವನ್ನು ಅನುಭವಿಸಿ ಅಭಿನಯಿಸಿದ್ದಾರೆ. ಅವರ ಚಂದವಾದ ಬಟ್ಟಲು ಕಣ್ಣುಗಳು ಅವರಷ್ಟೇ ಬಹಳ ಆಕರ್ಷಕ. 99 ಪೆರ್ಸೆಂಟ್ ಭಾವನ ಮೆನನ್ ಆಯ್ಕೆ ಸರಿಯಾಗಿದೆ ಚಿಕ್ಕ ವಯಸಿನಲ್ಲಿ ಬರುವ ಜಾನು ಹಾಗೂ ರಾಮಚಂದ್ರ ಪಾತ್ರದಾರಿಗಳು – ಹೇಮಂತ್ ಹಾಗೂ ಸಮೀಕ್ಷ ಬೇಷ್ ಆಗಿ ಅಭಿನಯಿಸಿದ್ದಾರೆ. ರವಿಶಂಕರ್ ಗೌಡ, ಜ್ಯೋತಿ ರಾಯ್ ಅವರ ಅಭಿನಯ ಅಚ್ಚುಕಟ್ಟು. ಇಲ್ಲಿ ಡ್ಯೂಯಟ್ ಹಾಡಿಲ್ಲ, ಎಲ್ಲ ಹಿನ್ನಲೆಯಲ್ಲೇ ಬಂದು ಹೋಗುವುದು. ಅರ್ಜುನ ಜನ್ಯ ಅವರ 100 ನೇ ಸಿನಿಮಾ. ಹೇಳಿ ಹೋಗು ಕಾರಣ....ಬಹಳವಾಗಿ ಕಾಡುತ್ತದೆ. ಗಮನ ಸೆಳೆದ ಮೊದಲ ಹುಡುಗ...ಅಂಗಳದಲ್ಲಿ ಹೂ ಅರಳಲು ನೀ ಜ್ಞಾಪಕ....ಸಾಲುಗಳು ಮೆಚ್ಚತಕ್ಕದವು. ಸಂತೋಷ್ ರಾಯ್ ಪತಾಜೆ ಅವರ ಛಾಯಾಗ್ರಹಣ ಬ್ಯೂಟಿಫುಲ್ ಆಗಿ ಕಂಗೊಳಿಸುತ್ತದೆ. ಇಂದಿನ ಪ್ರೇಮಿಗಳಿಗೆ, ಆಗಿನ ಪ್ರೇಮಿಗಳಿಗೆ, ಭಗ್ನ ಪ್ರೇಮಿಗಳಿಗೆ – ಈ ಕನ್ನಡ ಸಿನಿಮಾ 99 ಬಹಳ ಇಷ್ಟ ಆಗಲಿದೆ.
ನಿರ್ಮಾಣ:ರಾಮು
ಸಿನಿ ಸರ್ಕಲ್.ಇನ್ ವಿಮರ್ಶೆ
***
3/05/19

99ಕ್ಕೆ ಸೆನ್ಸಾರ್‍ನಿಂದ ಪ್ರಶಂಸೆ
ಗಣೇಶ್ ಮತ್ತು ಭಾವನಾ ಎರಡನೆ ಬಾರಿ ಜೋಡಿಯಾಗಿ ಅಭಿನಯಿಸಿರುವ ‘99’ ಚಿತ್ರವನ್ನು ಸೆನ್ಸಾರ್ ಮಂಡಳಿಯು ವೀಕ್ಷಿಸಿ ಕ್ಲೀನ್ ‘ಯು’ ಸರ್ಟಿಫೀಕೇಟ್ ನೀಡುವುದಲ್ಲದೆ ಕುಟುಂಬ ಸಮೇತ ನೋಡಬಹುದಾದ ಚಿತ್ರವೆಂದು ಪ್ರಶಂಸೆ ವ್ಯಕ್ತಿಪಡಿಸಿರುವುದು ನಿರ್ಮಾಪಕ ರಾಮು ಅವರಿಗೆ ಸಂತಸ ತಂದಿದೆ. ತಮಿಳು ಹಿಟ್ ಚಿತ್ರ 96, ಸ್ಯಾಂಡಲ್‍ವುಡ್‍ದಲ್ಲಿ ‘99’ ಹೆಸರಿನೊಂದಿಗೆ ತೆರೆಗೆ ಬರಲು ಸಿದ್ದವಾಗಿದೆ. ಮೂಲ ಸಿನಿಮಾದಲ್ಲಿ ವಿಜಯ್‍ಸೇತುಪತಿ, ತ್ರಿಶಾ ಜೋಡಿಯಾಗಿ ಅಭಿನಯಿಸಿದ್ದರು. ನಿರ್ದೇಶಕ ಪ್ರೀತಂಗುಬ್ಬಿ ಎರಡನೆ ಬಾರಿ ಗೋಲ್ಡನ್ ಸ್ಟಾರ್‍ಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದ ಶೀರ್ಷಿಕೆ 99ರ ಇಸವಿಯ ಒಂದು ಶಾಲೆಯ ಬ್ಯಾಚನ್ನು ಸೂಚಿಸುತ್ತದೆ. ಅಂದು ಶಾಲೆಯಲ್ಲಿ ಒಟ್ಟಿಗೆ ವ್ಯಾಸಾಂಗ ಮಾಡಿದ ಇಬ್ಬರು ವಿದ್ಯಾರ್ಥಿಗಳು ಸುಮಾರು 20 ವರ್ಷಗಳ ನಂತರ ಭೇಟಿಯಾದಾಗ ಏನೇನು ನಡೆಯುತ್ತದೆ ಎಂಬುದನ್ನು ಭಾವನೆಗಳ ಮೂಲಕ ಸನ್ನಿವೇಶಗಳು ಬರುತ್ತದೆ. ಗಣೇಶ್ ಟ್ರಾವಲ್ ಫೋಟೋಗ್ರಾಫರ್ ಆಗಿದ್ದರೆ, ಗಂಭೀರ ಪಾತ್ರದಲ್ಲಿ ಭಾವನಾ ಇವರೊಂದಿಗೆ ಹೇಮಂತ್, ಸಮೀಕ್ಷ ಮುಂತಾದವರ ನಟನೆ ಇದೆ.

ಕವಿರಾಜ್ ಸಾಹಿತ್ಯ, ಅರ್ಜುನ್‍ಜನ್ಯಾ ಸಂಗೀತದ ಎಂಟು ಹಾಡುಗಳಲ್ಲಿ ಶ್ರೇಯಾಘೋಶಾಲ್ ಐದು ಗೀತೆಗಳಿಗೆ ಧ್ವನಿಯಾಗಿರುವುದು ವಿಶೇಷ. ಅಂದಹಾಗೆ ಇವರು ರಾಗ ಸಂಯೋಜಿಸಿರುವ 100ನೇ ಚಿತ್ರವೆಂಬುದು ಮತ್ತೋಂದು ಹಿರಿಮೆಯಾಗಿದೆ. ಛಾಯಾಗ್ರಹಣ ಸಂತೋಷ್‍ರೈಪಾತಾಜೆ, ಸಂಕಲನ ಕೆ.ಎಂ.ಪ್ರಕಾಶ್ ಅವರದಾಗಿದೆ. ಇದೇ 1/5/2019 ರಂದು 250 ಕೇಂದ್ರಗಳಲ್ಲಿ ರಾಜ್ಯದ್ಯಂತ ಹಾಗೂ ವಿದೇಶದಲ್ಲಿ ಏಕಕಾಲಕ್ಕೆ ರಾಮು ಫಿಲಿಂಸ್ ಮುಖಾಂತರ ಬಿಡುಗಡೆಯಾಗಲಿದೆ.
ಸಿನಿ ಸರ್ಕಲ್.ಇನ್ ನ್ಯೂಸ್
21/04/19


99ಕ್ಕೆ ಬಿಡುಗಡೆ ಮಹೂರ್ತ ಫಿಕ್ಸ್
ತಮಿಳು ಹಿಟ್ ಚಿತ್ರ 96, ಸ್ಯಾಂಡಲ್‍ವುಡ್‍ದಲ್ಲಿ ‘99’ ಹೆಸರಿನೊಂದಿಗೆ ತೆರೆಗೆ ಬರಲು ಸಿದ್ದವಾಗಿದೆ. ಮೂಲ ಸಿನಿಮಾದಲ್ಲಿ ವಿಜಯ್‍ಸೇತುಪತಿ, ತ್ರಿಶಾ ಜೋಡಿಯಾಗಿ ಅಭಿನಯಿಸಿದ್ದರು. ಇದರಲ್ಲಿ ಗಣೇಶ್ ಮತ್ತು ಭಾವನಾ ರೋಮಿಯೋ ನಂತರ ಒಟ್ಟಿಗೆ ಸೇರಿಕೊಂಡಿದ್ದಾರೆ. ನಿರ್ದೇಶಕ ಪ್ರೀತಂಗುಬ್ಬಿ ಎರಡನೆ ಬಾರಿ ಗೋಲ್ಡನ್ ಸ್ಟಾರ್‍ಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದ ಶೀರ್ಷಿಕೆ 99ರ ಇಸವಿಯ ಒಂದು ಶಾಲೆಯ ಬ್ಯಾಚನ್ನು ಸೂಚಿಸುತ್ತದೆ. ಅಂದು ಶಾಲೆಯಲ್ಲಿ ಒಟ್ಟಿಗೆ ವ್ಯಾಸಾಂಗ ಮಾಡಿದ ಇಬ್ಬರು ವಿದ್ಯಾರ್ಥಿಗಳು ಸುಮಾರು 20 ವರ್ಷಗಳ ನಂತರ ಭೇಟಿಯಾದಾಗ ಏನೇನು ನಡೆಯುತ್ತದೆ ಎಂಬುದನ್ನು ಭಾವನೆಗಳ ಮೂಲಕ ಸನ್ನಿವೇಶಗಳು ಬರುತ್ತದೆ. ಗಣೇಶ್ ಟ್ರಾವಲ್ ಫೋಟೋಗ್ರಾಫರ್ ಆಗಿದ್ದರೆ, ಗಂಭೀರ ಪಾತ್ರದಲ್ಲಿ ಭಾವನಾ ಇವರೊಂದಿಗೆ ಹೇಮಂತ್, ಸಮೀಕ್ಷ ಮುಂತಾದವರ ನಟನೆ ಇದೆ.

ಕವಿರಾಜ್ ಸಾಹಿತ್ಯ, ಅರ್ಜುನ್‍ಜನ್ಯಾ ಸಂಗೀತದ ಎಂಟು ಹಾಡುಗಳಲ್ಲಿ ಶ್ರೇಯಾಘೋಶಾಲ್ ಐದು ಗೀತೆಗಳಿಗೆ ಧ್ವನಿಯಾಗಿರುವುದು ವಿಶೇಷ. ಅಂದಹಾಗೆ ಇವರು ರಾಗ ಸಂಯೋಜಿಸಿರುವ 100ನೇ ಚಿತ್ರವೆಂಬುದು ಮತ್ತೋಂದು ಹಿರಿಮೆಯಾಗಿದೆ. ಛಾಯಾಗ್ರಹಣ ಸಂತೋಷ್‍ರೈಪಾತಾಜೆ, ಸಂಕಲನ ಕೆ.ಎಂ.ಪ್ರಕಾಶ್ ಅವರದಾಗಿದೆ. ಕೋಟಿ ನಿರ್ಮಾಪಕರೆಂದು ಹೆಸರು ಮಾಡಿರುವ ರಾಮು ಅವರ ನಿರ್ಮಾಣದ 39ನೇ ಚಿತ್ರವಾಗಿದೆ. ಇದೇ 26ರಂದು 250 ಕೇಂದ್ರಗಳಲ್ಲಿ ರಾಜ್ಯದ್ಯಂತ ಹಾಗೂ ವಿದೇಶದಲ್ಲಿ ಏಕಕಾಲಕ್ಕೆ ರಾಮು ಫಿಲಿಂಸ್ ಮುಖಾಂತರ ಬಿಡುಗಡೆಯಾಗಲಿದೆ.
ಸಿನಿ ಸರ್ಕಲ್.ಇನ್ ನ್ಯೂಸ್
12/04/19



For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore