HOME
CINEMA NEWS
GALLERY
TV NEWS
REVIEWS
CONTACT US
ಚಾರಣದ ದಾರಿಯಲ್ಲಿ ಥ್ರಿಲ್ ಇದೆ
‘6ನೇ ಮೈಲಿ’ ಸಿನಿಮಾ ಹೆಸರು ಕೇಳಿದರೆ ಇದೊಂದು ಹಾರರ್, ದೆವ್ವದ ಚಿತ್ರ ಎಂದುಕೊಂಡರೆ ನಿಮ್ಮ ಊಹೆ ತಪ್ಪಾಗುತ್ತದೆ. ಕತೆಯಲ್ಲಿ ವಿಕಾರ ಮುಖಗಳು, ದೆವ್ವಗಳು, ಆತ್ಮಕತೆ ಇರದೆ ಪಕ್ಕಾ ಥ್ರಿಲ್ ಸ್ಟೋರಿಯನ್ನು ತೋರಿಸಿದಾರೆ. ಕತೆಯು ತೀರಾ ವಿಭಿನ್ನ ಎನ್ನುವಂತಿಲ್ಲ. ಉಪ್ಪಿನಂಗಡಿ ಬಳಿ ಇರುವ ದವಳಗಿರಿ ಕಾಡಿಗೆ ಚಾರಣ ಮಾಡಲು ನಾಲ್ವರು ವಿಕೆಂಡ್ ಪ್ಲಾನ್ ಮಾಡುತ್ತಾರೆ. ಉಜಿರೆ ಬಳಿ ಹೋಗುವಷ್ಟರಲ್ಲೆ ರಾತ್ರಿಯಾಗುತ್ತದೆ. ದಟ್ಟವಾದ ಕಾಡಿನಲ್ಲಿ ಮೊಬೈಲ್ ನೆಟ್ ವರ್ಕ್‍ಗಳಿಲ್ಲ. ಉಪ್ಪಿನಂಗಡಿಗೆ ಹೋಗಲು ಬಸ್ ಸೌಲಭ್ಯ ಇರದ ಕಾರಣ ಟ್ಯಾಕ್ಸಿಯಲ್ಲಿ ಹೊರಟು, ಆರೇ ಮೈಲಿ ಇದೆ ಎನ್ನುವಾಗ ದಾರಿಯಲ್ಲೊಂದು ಮರ ಬಿದ್ದರುತ್ತದೆ. ಅದನ್ನು ಪಕ್ಕಕ್ಕೆ ಸರಿಸಿ ಬರುತ್ತಿನಿ ಎಂದು ಕಾರಿನಿಂದ ಕೆಳಗಿಳಿದ ಚಾಲಕ ಮಾಯವಾಗುತ್ತಾನೆ. ಇದರ ಮದ್ಯೆ ನಕ್ಸಲೈಟ್‍ಗಳ ಹೋರಾಟ ಸನ್ನಿವೇಶಗಳು ಬರುತ್ತದೆ. ಅಷ್ಟಕ್ಕೂ 6ನೇ ಮೈಲಿಯಲ್ಲಿ ನಡೆಯುವುದಾದರೂ ಏನು ಎನ್ನುವ ಕುತೂಹಲವಿದ್ದರೆ ಚಿತ್ರಮಂದಿರಕ್ಕೆ ಬರಬೇಕು. ಇಂತಹ ಕುತೂಹಲಕ್ಕೆ ಸೂಕ್ತ ಉತ್ತರವು ನೋಡುಗನಿಗೆ ಅರ್ಥವಾಗುವಂತೆ ಮಾಡಿರುವ ನಿರ್ದೇಶಕರ ಪ್ರಯತ್ನ ಸಾರ್ಥಕವಾಗಿದೆ.

ಕ್ರೈಮ್ ಕತೆಯಾದರೂ ಆಶ್ಲೀಲ ದೃಶ್ಯ, ಸಂಭಾಷಣೆಗಳು ಇಲ್ಲದೆ ಇರುವುದು ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗಿದೆ. ಸಣ್ಣದೊಂದು ಘಟನೆಯನ್ನು ಇಟ್ಟುಕೊಂಡು ಅದಕ್ಕೊಂದು ಚೆಂದದ ಲೇಪ ನೀಡಿ 1.45 ಗಂಟೆ ಸಿನಿಮಾ ಮಾಡುವುದು ಕಷ್ಟದ ಕೆಲಸ. ಅದನ್ನು ಸುಂದರವಾಗಿ ಏಣೆದು ಮೊದಲ ಪ್ರಯತ್ನದಲ್ಲಿಯೇ ತಾನೊಬ್ಬ ಉತ್ತಮ ತಂತ್ರಜ್ಘನೆಂದು ಸಾಬೀತು ಪಡಿಸಿಕೊಂಡಿರುವುದು ನಿರ್ದೇಶಕ ಸೀನಿ. ಎರಡು ರೀತಿಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ಸಂಚಾರಿವಿಜಯ್ ನಟನೆ ಬಗ್ಗೆ ಹೇಳುವ ಮಾತಿಲ್ಲ. ತಂಡದಲ್ಲಿರುವ ಆರ್.ಜೆ.ನೇತ್ರಾ, ಶಾಂತಲಾಭಂಡಿ, ರಘುಪಾಂಡೇಶ್ವರ್, ಕೃಷ್ಣಹೆಬ್ಬಾಳೆ ತಮ್ಮ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಪರಮೇಶ್ ಕ್ಯಾಮಾರ ಕೆಲಸಕ್ಕೆ ಪೂರಕವಾಗಿ ಸಾಯಿಕಿರಣ್ ಸಂಗೀತವು ಮೆರಗು ತಂದಿದೆ. ನಟ ವಸಿಷ್ಟಸಿಂಹ ಕಂಠದ ಹಾಡು ಗಮನ ಸೆಳಯುತ್ತದೆ. ವೈದ್ಯ ಶೈಲೇಶ್‍ಕುಮಾರ್.ಬಿ.ಎಸ್. ನಿರ್ಮಾಣ ಮಾಡಿರುವ ಚಿತ್ರವು ಥ್ರಿಲ್ಲರ್ ಅಭಿಮಾನಿಗಳಿಗೆ ಖಂಡಿತ ಇಷ್ಟವಾಗುತ್ತದೆ.
ಸಿನಿ ಸರ್ಕಲ್.ಇನ್ ವಿಮರ್ಶೆ
7/07/18

ಸೆಸ್ಪನ್ಸ್ ಥ್ರಿಲ್ಲರ್ ಚಿತ್ರ 6ನೇ ಮೈಲಿ
ಚಂದನವನದಲ್ಲಿ ವಿನೂತನ ಚಿತ್ರಗಳು ಬರುತ್ತಿರುವಂತೆ ‘6ನೇ ಮೈಲಿ’ ಚಿತ್ರವೊಂದು ತೆರೆಗೆ ಬರಲು ಸಜ್ಜಾಗುತ್ತಿದೆ. ಕತೆಯ ಕುರಿತು ಹೇಳುವುದಾದರೆ ಮುಂಬೈನಿಂದ ವೈಜಾಗ್ ಕಾಡಿನಲ್ಲಿ ಚಾರಣ ಮಾಡುವಾಗ ಒಬ್ಬರ ನಂತರ ಒಬ್ಬರು ಕಳೆದು ಹೋಗುತ್ತಾರೆ. ಅವರುಗಳು ಯಾತಕ್ಕಾಗಿ ಈ ರೀತಿ ಮಿಸ್ ಆಗುತ್ತಾರೆ ಎಂಬುದು ಚಿತ್ರದ ಹೂರಣವಾಗಿದೆ. ಭಯಾನಕ ದೃಶ್ಯಗಳು ಇರದೆ ಎರಡು ನೈಜ ಘಟನೆಗಳನ್ನು ಸನ್ನಿವೇಶಕ್ಕೆ ಬಳಸಲಾಗಿದೆಯಂತೆ. ವಿರಾಮದ ನಂತರ ಬರುವ ದೃಶ್ಯಗಳು ತಿರುಗಿನಿಂದ ಬಂದಂತೆ ಚಿತ್ರಕತೆಯನ್ನು ಹಣೆಯಲಾಗಿದೆ. ಮೊದಲ ಭಾಗದ ಗೊಂದಲವನ್ನು ಎರಡನೇ ಭಾಗವು ನಿವಾರಣೆ ಮಾಡಿಸುತ್ತದೆ. ಕತೆಗೆ ಅನುಗುಣವಾಗಿ ಸಿರಸಿ, ಯಲ್ಲಾಪುರಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ನಿರ್ದೇಶಕ ಸೀನು ಅವರಿಗೆ ಇದು ಎರಡನೆ ಚಿತ್ರ.

ಮುಖ್ಯ ಪಾತ್ರದಲ್ಲಿ ಸಂಚಾರಿವಿಜಯ್, ಚಾರಣದ ತಂಡದಲ್ಲಿ ಬಿಗ್‍ಬಾಸ್‍ನ ಆರ್.ಜೆ.ನೇತ್ರ, ಆರ್.ಜೆ.ರುದ್ರೇಶ್, ಶಾಂತಲಾ , ಭರತನಾಟ್ಯ ಕಲಾವಿದೆ ಹೇಮಾ, ಸುದೇಶ್, ವಿಕಾಸ್ ಮುಂತಾದವರ ನಟನೆ ಇದೆ. ಲಂಡನ್ ತಂಡದವರು ತಮಟೆ ಗೀತೆಗೆ ಸಂಗೀತ ಸಂಯೋಜಿಸಿದ್ದು, ವಸಿಷ್ಟ.ಎನ್.ಸಿಂಹ ಹಾಡಿರುವುದು ವಿಶೇಷವಾಗಿದೆ. ಸಂಗೀತ ಸಾಯಿಕಿರಣ್, ಛಾಯಗ್ರಹಣ ಪರಮೇಶ್.ಎಂ, ಸಾಹಸ ಡಿಫರೆಂಟ್‍ಡ್ಯಾನಿ ಅವರದಾಗಿದೆ. ಇತ್ತೀಚೆಗಷ್ಟೆ ಹಾಡುಗಳನ್ನು ಕೇಳಿರುವ ಸುದೀಪ್ ಚಿತ್ರದ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಪ್ರಚಲಿತ ರಾಜಕೀಯ ಪಕ್ಷದಲ್ಲಿ ಗುರುತಿಸಿಕೊಂಡಿರುವ ಸಮಾಜ ಸೇವಕ ಪ್ರಸಿದ್ದ ವೈದ್ಯ ಡಾ.ಶೈಲೇಶ್‍ಕುಮಾರ್ ನಾಗಬ್ರಹ್ಮ ಕ್ರಿಯೆಶನ್ಸ್ ಮೂಲಕ ನಿರ್ಮಾಣ ಮಾಡಿರುವ ಚಿತ್ರವು ಏಪ್ರಿಲ್ ಮೊದಲ ವಾರದಲ್ಲಿ ತೆರೆ ಕಾಣಲಿದೆ.
ಸಿನಿ ಸರ್ಕಲ್.ಇನ್ ನ್ಯೂಸ್
28/03/18





For advertisements contact editor
K N Nagesh Kumar, Photo Journalist
Website Designed by : K.N.Shreyas (chechu)
E-mail :- knnkumar@gmail.com   Mobile : 9844053268
All Rights Reserved © Copyrights 2011-12 CineCircle, Bangalore